صلح بوییچه مدنی جامعه نهادلری هماهنگی و مشوره لیک بوردی هماهنگی ایککی کونلیک ورکشاپی اداغ گه ییتیشدی
صلح بوییچه مدنی جامعه نهادلری هماهنگی و مشوره لیک بوردی هماهنگی ورکشاپی بو بورد پنل اعضاسی، زونلر نماینده لری حضوری بیلن ایککی کونلیک ورکشاپی اوتکزیلدی، بو بورد اعضاسی تمانیدن انیق ایستکلر و پیشنهادلر ارایه سی بیلن اداغگه ییتیشدی.
اولتیریش باشله نیشده صلح دولت وزراتی مدنی جامعه نهادلری و سیاسی تشکل لر رییسی لیلا جعفری اشتراکچیلرنینگ حضورلری اوچون منتدارلیک بیلدیریب، ورکشاپ ایش گروهی یولی حقیده معلومات بیرگن.
اولتیریش اعضاسی ایش گروهی مهم نکته لرینی بیان ایتگن ذبیح الله ایثار، صلح بوییچه مدنی جامعه میکانیزم توزه تیش اجراییلیک اوچون تدبیری پلانلری ایجادی، زونلر ده مدنی جامعه لر فعالیتلری قنده یلیگی شیوه سی ایجادی، صلح بوییچه دولت وزراتی بیلن مدنی جامعه و مشوره لیک بوردی اورته سیده گی تعریفی، صلح پالیسی سی و استراتیژی سینی توزه تیشده مدنی جامعه لردن مشوره آلیش و صلح روندی دن تسهیل قیلووچی نی زمینه یره تیش اوستیده کوپراق بحث بولسین دیب تاکیدلب، عملی ایشلر بولینسین دیگن هم او.
صلح بوییچه مدنی جامعه ایشلری دن تقدیرله گن صلح دولت وزراتی مدنی جامعه ایشلری معینی دوکتور عالمه، بو بورد فعالیتی و کینگه ییشی اوچون تسهیل بوییچه صلح دولت وزراتی مصمم دیر دیگن، او.
همده دوکتور عالمه ایتدی که مذکور بورد زونلر دفتری گه تانیشتیریله دی و شو بیلن ولایتلر و زونلر سطحیده گی کیشیلر مذاکره قیلووچی هییتی بیلن وصل زمینه سی وجودگه کیلسین دیگن.
بو بولیب اوتگن ایککی کونلیک ورکشاپی ده صلح بوییچه مدنی جامعه نهادلری هماهنگی و مشوره لیک بوردی پنل اعضاسی جمله سی بیلن مدنی جامعه فعال لریدن اون بیش کیشی و زونلر نماینده لری اشتراک ایتگن ایدیلر.
