هرات ولایتی نینگ اهالیسی و یاشلری اوز نظر لرینی مذاکره قیلوچی هیئت بیلن شریک قیلدیلر
هرات ولایتی نینگ اهالیسی و یاشلری صلح روندی توغریسیدهگی اوز نظر لری و پیشنهاد لرینی "صلح گفتمانی" ییغینی آستیده افغانستان اسلامی جمهوریتی نینگ مذاکره قیلوچی هیئتلری نینگ اعضاسی بولگن غلام فاروق مجروح و جنرال ایوب انصاری بیلن شریک قیلدیلر.
بو ییغینده اشتراکچیلر ۹ ایش گروهیده انسان حقوقلری، اوقیش و اورگنیش، جنگجولر نینگ ینگیدن مدغم بولیشی، حکومتدارلیک، سوز ایرکینلیگی، ایاللر و بالهلر حق و حقوقی، انتقالی عدالت، اوروش قربانی لریگه ییتیشیش و دموکراسی موضوع لری توغریسیده بحث و فکر المشتیریب و نظر لری و پیشنهاد لرینی نینگ نتیجهسینی مذاکره قیلوچی هیئتلر اعضالری بیلن شریک قیلیب و سوراق لرینی مطرح قیلدیلر.
مذاکره قیلوچی هیئتلر نینگ اعضاسی غلام فاروق مجروح اورگنیش و سوز ایرکینلیگی خصوصیدهگی اسلام آموزه لریگه اشاره قیلیب ایتیشیچه، افغانستان اهالیسی نینگ اساسی حق لرینی تامینلش مملکت نینگ پارلاق کیلهجگینی تضمین قیلوچیسی دیر و بوندن کوز یومیب بولمهیدی.
او اساسی قانون اسرهلیشی، انسان حقلری و اقلیتلر حقلری توغری سیده ایتدی که افغانستان اساسی قانونی بیر ملی وثیقه حیثیده، فردی و اجتماعی ایرکین لیکلر و شهروندلر حقلرینی تضمین قیلگن و اونینگ تعدیل قیلیش کیرهک بولگن حالده، تعدیل میکانیزم لری اساسیده قانون نینگ اوزیگه نظرگه توتیلگن.
شونینگدیک مجروح جنابلری نینگ ایتیشیچه، افغانستان اسلامی جمهوریتی نینگ مذاکره قیلوچی هیئتلری سیاسی مشارکتنی نظر ده توتیش بیلن افغانستان کیلهجگینی تضمین قیلوچی پایدار و سرتاسرلیک یرهشوو توغری سیده نتیجه گه ییتیشیب و مملکتدهگی جاری بولگن اوروشنی خاتمه بیریش اوچون سعی و حرکت قیلماقده.
بو ییغینده، مذاکره قیلوچی هیئتلر اعضاسی جناب ایوب انصاری نینگ ایتیشیچه، بو هیئتلر جنگجولر قیته قوشیلیشی، قربانیلر و شهیدلر حق لری تامینلنیشی توغری سیده تورلی میکانیزم اوستیده ایشلهگن.
انصاری جنابلری امنیتی و دفاعی کوچلر افغانستان اسلامی جمهوریتی نینگ اساسی ارکان لریدن دیب، بیان قیلیشیچه، بو کوچلر اسرهلیشی نینگ قندهیلیگی و اولردن حمایت ایتیشنی صلح نینگ مهم سوزلشوو لریدن عنوان قیلیب و بو زمینه ده مخصوص توجه قیلهمیز دیب تاکید قیلدی.