قندهار یشاوچیلری مذاکره قیلوچی هیئتلر بیلن اوز نظر لرینی شریک قیلدیلر
قندهار یشاوچیلری تینچلیک توغریسیدهگی اوز نظر و پیشنهاد لرینی افغانستان اسلامی جمهوریتی مذاکره قیلوچی هیئت لریدن بولمیش مولوی عطاالله لودین و شریفه زرمتی وردک بیلن "تینچلیک گفتمانی" آستیده بولیب اوتگن ییغینده شریک قیلدیلر.
بو ییغینده اشتراکچیلر ۹ ایش گروهیده انسانلر حق و حقوقی، تحصیل و تعلیم آلیش، جنگجولر قیته قوشیلیشی، حکومتدارلیک، سوز ایرکینلیگی، ایاللر حق و حقوقی تامینلنیشی، انتقالی عدالت، اوروش قربانی لریگه ییتیشیش و دموکراسی موضوع لری توغریسیده بحث و فکر المشتیریب همده نظرلر و پیشنهاد لری نینگ نتیجهسینی مذاکره قیلوچی هیئتلر اعضالری بیلن شریک قیلدیلر.
مولوی عطاالله لودین، دینی و ملی قدریتلر موجود لیگینی خلق مهم خذمتلری نینگ زیربناسی عنوان قیلیب و برچه ساحه لردهگی قول کیریتمهلر سقلنیشی توغریسیده گپلشدی.
شونینگدیک لودین جنابلری، دین عالمری نینگ جرگهلر و علمی مجمعلر آرقلی بولگن رولینی مهم و اساسی عنوان قیلیب سرتاسرلیک و دواملی آتیش کیسین تامینلنیشی و اوروش توگهییشی گه تاکید قیلدی.
شریفه زرمتی وردک، مذاکره قیلوچی هیئتلر اعضالری مردمی اولتیریش لرگه حصه قوشیشی و اولر بیلن فکر المشتیریشنی بو هیئت نینگ ایش لایحه لریدن عنوان قیلیب ایتیشیچه، افغانستان اسلامی جمهوریتی نینگ مذاکره قیلوچی هیئتلری دایم خلق و مخصوصاً ولایتلر یشاوچیلری نینگ نظرلری و پیشنهاد لرینی قولگه کیریتهدی.
شونینگدیک او ایاللر حق و حقوقی تامینلنیشی، شهیدلر و ناگرانلر ورثه لریگه ییتیشیش و اوروش قربانی لرینی یرهش جریانیگه شریک قیلینیشی خصوصیده گپلشدی.
ییغین دوامیده، مذاکره قیلوچی هیئتلر مذکور ۹ بولیمدهگی اشتراکچیلر سوراق لریگه جواب بیردیلر.
ایتیش کیرهک، که دیالوگ و ترقیات ملی مرکزی، افغانستان گفتگولری برنامه لری نینگ دوامینی "تینچلیک گفتمانی" آتی آستیده برگزار قیلگن.