۱۶ ولایتدن کیلگن عیاللر وکیللری بیلن مذاکره آلیب بارووچی هیأت اعضالرینینگ اوچرهشووی
افغانستان اسلام جمهوریتی مذاکرهلر هیأتینینگ اعضالری دکتور حبیبه سرابی و شریفه زرمتی وردک افغانستاننینگ ۱۶ ولایتیدن کېلگن عیاللر وکیللری بیلن آنلاین اوچرهشووده سوزلشدیلر.
اوچرهشوو باشیده مذاکره هیأتی اعضالری هیأت فعالیتی و تینچلیک مذاکرهلری جریانی تۉغریسیده معلومات بېردیلر.
شوندن سۉنگ اشتراکچیلر اۉزلرینی قیزیقتیرگن سؤاللر و تینچلیک جریانی حقیدهگی فکرلرینی اؤرتاقلشدیلر.
تینچلیک مذاکرهلر میزیده طالباننینگ یؤقلیگی، آتش کېسیمنی اۉرنهتیش و زۉرهوانلیککه برهم بېریلیش، جمهوریتنی سقلب قالیش و عیاللرنینگ سۉنگگی یوتوقلری، انسان حقوقلرینی حمایه قیلیش و عیاللرنی مذاکرهلر جریانیگه قۉشیش اوچرهشووده بحثگه آلینگن مسألهلردن اېدی.
تأکیدلش جایزکه اوشبو اوچرهشوو کابلدهگی کورداید مؤسسهسی تامانیدن اۉتکزیلگن. اوشبو اوچرهشووده جوزجان، کابل، بدخشان، پروان، هلمند، تخار، پکتیا، پکتیکا، نیمروز، میدان وردک، بغلان، کندهار، سمنگان، ننگرهار، لوگر و دایکندی ولایتلری عیاللرینینگ وکیللری اشتراک اېتگن اېدیلر.