مذاکره هیأتی عیال اعضالرینینگ خاتین-قیزلر حقوقلری فعاللری بیلن مصلحتلشوو و معلومات اوچرهشوی
افغانستان اسلام جمهوریتینینگ مذاکرهلر هیأتی اعضالری فوزیه کوفی، حبیبه سرابی و شریفه زرمتی وردک تینچلیک ایشلری بۉییچه دولت وزیرلیگیده بۉلیب اۉتگن آنلاین اوچره شووده بیر قطار خاتین -قیزلر حقوقلری حمایهچیلری بیلن اوچرهشدیلر.
اوچره شوو اوّلیده تینچلیک بۉییچه دولت وزیرینینگ انسان حقوقلری و مدني همجمعیت ایشلری بۉییچه اۉرین باسری دکتورعالمه افغانستان اسلام جمهوریتی مذاکرهلر هیأتینینگ تورلی گروهلر بیلن مصلحتلشیش اوچره شوولرینی اۉتکزیش مهملیگینی تأکیدلب، عیاللرنینگ همجهتلیگی اولرنینگ مذاکرهلر جریانیده اشتراک اېتیشی اوچون اهمیتگه سزاوار دېدی.
مذاکرهلر هیأتی عضوی فوزیه کوفی کابلده بۉلگن وقتیده، مذاکرهلر هیأتینینگ رېجهلری حقیده گپیریب بېردی و هیأت اعضالری اوشبو دورده جمعیتنینگ تورلی قتلملری بیلن مصلحتلهشیش و فکرلرینی آلیش مقصدیده اولر بیلن اوچرهشوولر اۉتکزهدی، اولربیلن مصلحتلشگن حالده مذاکرهلرنینگ ایکّینچی دوریگه تیارلنهدی، دېدی.
او، شو جریانده عیاللرنینگ رۉلی و اشتراکی مهملیگینی تأکیدلب، عیاللرنینگ آوازی افغانستاننینگ تینچلیک مذاکرهلرینی قانونیتلشتیریشینی اَیتدی.
مذاکرهلر گروهینینگ باشقه بیر عضوی حبیبه سرابی سۉنگگی اوچ آی دوامیده مذکور هیأت اعضالرینینگ فعالیتی، مذاکرهلر کون ترتیبی توزیلگنلیگی تۉغریسیده معلومات بېردی.
سرابی خانم، شونینگدیک، تینچلیک اوچون جمعیتچیلیک فکرینی سفربر اېتیش مهملیگینی تأکیدلب، عیاللرنی و جمعیتنینگ باشقه قتلملرینی افغانستان تینچلیک مذاکرهلرینی قۉللب-قُوَّتلشگه چقیردی.
مذاکرهلر هیأتینینگ باشقه بیر عضوی شریفه زرمتی وردک هم تینچلیک جریانینی قۉللب-قُوَّتلش اوچون بوتون افغانستان بۉیلب عیاللرنی سفربر بۉلیشگه چقیریب، عیاللرنینگ بیردم آوازی و افغانستان خلقینینگ مذاکرهلر هیأتی بیلن بیرلیگی و اتفاقی بو جریاننی موفقیتگه آلیب کېلیشینی اَیتدی.
باشقه تاماندن، اوچره شوو قنتشچیلری اۉزلرینی قیزیقتیرگن سۉراقلر و ملاحظهلرنی مذاکره آلیب بارووچی هیأت بیلن اۉرتاقلشدیلر. اشتراکچیلر آتش کېسیمگه احتیاج بارلیگینی تأکیدلب، آتش کېسیم کون ترتیبیدهگی استوار یۉنهلیش بۉلیشی کېرهکلیگینی تأکیدلدیلر.