افغانستان اسلامی جمهوریتی نینگ مذاکره گروهی اعضاسی نینگ امریکا تشقی ایشلر وزیری بیلن اوچره شووی

بوگون دوحه ده افغانستان اسلامی جمهوریتی  مذاکره گروهی نینگ بیرقطار اعضاسی امریکا قوشمه ایالتلری نینگ تشقی ایشلروزیری مایک پمپیو وامریکا نینگ افغانستان تینچلیگی بوییچه مخصوص وکیلی زلمی خلیلزاد بیلن اوچره شدیلر.
ملاقات دوامیده تینچلیک بوییچه دولت وزیری و افغانستان اسلامی جمهوریتی نینگ مذاکره آلیب بارووچی هیات عضوی سید سعادت منصور نادری سونگی ییللرده امریکا نینگ افغانستانگه کورسته یاتگن یاردمی اوچون اوز منتدارچیلیگینی بیلدیردی.
شونینگدیک او تینچلیک کیلیشوویدن کیین ایککی ممکلت اورته سیده همکارلیک دوام ایتیشینی طلب قیلدی. مذاکره آلیب بارووچی هیات اعضاسی افغانستان خلقی اوز اولکه سیده سونگی ییگیرمه ییللیک یوتوقلرنی سقلب قالیشینی ایستشلرینی ایتدیلر.
هیات اعضاسی بوندن تشقری ۵۰۰۰ محبوس آزاد قیلینگنیدن کیین زروانلیکلرآرتیب باریشی قبول قیلینرلی ایمسلیگی و بو دوحه کیلیشوویگه ضد ایکنلیگینی تاکیدله دیلر.
افغانستان اسلامی جمهوریتی نینگ مذاکره‌ گروهی اعضاسی افغانستانده‌گی حاضرگی اوروش اسلام دنیاسی تامانیدن ناقانوني دیب ایتیلگنی و بو حالت دوام ایتیشی خلق‌ارا هم جمعیت تامانیدن قبول قیلینرلی ایمس دیب تأکیدله‌دیلر.
اولرنینگ قوشیمچه قیلیشلریچه، افغانستان اهالیسی مملکتده  دایمی آتش کیسیننی کوتماقده.
امریکا تشقی ایشلر وزیری مایک پمپیو تینچلیک جریانینی قوللب- قوتلشگه اشاره قیلیب اوزاق مدتلی تینچلیک ایککی مملکت نینگ اساسی مقصدی ایکنلیگینی اورغوله دی.  
امریکا تشقی ایشلر وزیری اوز سوزلری دوامیده، امریکا نینگ افغانستانده برقرار تینچلیکنی قوللب-قوتلشی وافغانستان خلقی اوچون اوشبو دولت وعده لری آلدینکی دیک دوام ایتیشگه ایشانچ بیلدیردی.