څېړنیز او ټولنیز بنسټونه د سولې په چارو کې د دولت وزارت مشورتي مټې دي
د سولې په چارو کې د دولت وزارت د سیمهییزو مطالعاتو د څانګې عمومي رئیس غلامیحیی حازم اسفندیار«د سولې د هوکړهلیک وړاندوېينه: احتمالي سناریوګانې» تر سرلیک لاندې بحث کې چې د زرغون بهیر لهخوا جوړ شوی و، وویل، څېړنیز او ټولنیز بنسټونه د سولې په چارو کې د دولت وزارت مشورتي مټې دي.
ښاغلي اسفندیار زیاته کړه چې د سولې په چارو کې د دولت وزارت د سولې د هڅو د انسجام او په هېواد کې د سولې او ټیکاو د ټینګښت لپاره کوټلي ګامونه پورته کړي دي.
د سولې په چارو کې د دولت وزارت د سیمهییزو مطالعاتو د څانګې د عمومي رئیس په وینا، په افغانستان کې د سولې استقرار، ساتنه او ټینګښت د باور جوړونې، د نوښتونو د انسجام، د عدالت د ټینګښت، د ملي او نړیوالو ښکېلو لورو په پراخولو او په ملي کچه د تاوتریخوالي د بسترونو په له منځهوړلو سره شونی دی.
په دغه ناسته کې د سولې په پروسه او د سولې په احتمالي هوکړه کې د خلکو د بنسټیزو غوښتنو په مطرح کولو کې د ځوانانو، مېرمنو او سیمهییزو مشرانو په رول ټینګار وشو.
