د سولې په چارو کې د دولت وزارت لخوا په کابل کې د تورکيې سفير د خدای په امانۍ مراسم ترسره شول
د سولې په چارو کې د دولت وزارت لخوا په کابل کې د تورکيې سفير اوغوزخان ارطغرول د ماموريت د پای ته رسېدو په موخه د خدای په امانۍ مراسم د سېمې او ګاونډيو هېوادنو سفيرانو, د ملګرو ملتونو استازي, د ملي روغې جوړې عالي شورا غړو, د افغانستان اسلامي جمهوري دولت د سولې مزاکره کوونکي پلاوي غړو او د حکومتي چارواکو په حضور کې ترسره شول.
د سولې په چارو کې د دولت وزير سيد سعادت منصور نادري په کابل کې د تورکيې سفير څخه ځانګړی مننه وکړه او په خپل ماموريت کې د دواړو هېوادنو د تاريخې اړيکو د ارزښت په زياتولو سره يې هغه يو وتلی ديپلومات ياد کړ.
ښاغلي نادري د سولې په روانه پروسه کې د هغه هڅې وستايلي او په راتلونکی يې ورته د لا بريا هيله وکړه.
د ترکيې سفير د افطاري ډوډې د تيارولو څخه په مننه وکړه او د استانبول کنفرانس ته په اشارې چې په نږدې راتلونکي کې به ترسره شي وويل او هيله يې څرګنده کړه چې د افغانستان خلک په تلپاتې او باعزته سوله ترلاسه کړي.
هغه څرګنده کړه چې هېواد به يې په راتلونکې کې هم په بېلابيلو برخو کې د افغانستان له خلکو سره خپلو همکاريو ته دوام ورکړي.
