قومی بویوکلر صلح روندی ده جمهوریت سقله نیشینی تاکیدله دیلر
صلح ایشلری بوییچه دولت وزراتی مدنی جامعه و بشر حقوقی ایشلری بوییچه معینی دوکتور عالمه حضوری ده ایریم قوم بویوکلر و متنفذ کیشیلربیلن اولتیریش آلگنده، اولر صلح روندی و جمهورلیک نظامیدن آرقه داشلیک بیلدیردیلر.
صلح ایشلری بوییچه دولت وزراتی نینگ مدنی جامعه و بشر حقوقی ایشلری بوییچه معینی دوکتور عالمه اولتیریش باشله نیشیده ایتدی کهافغانستان حساس وقتده قرار تاپگن و مردم نینگ بیرلیگی ایل کیله جگی اوچون اوته تاثیرلی دیر، دیگن.
او ایتدی که صلح مذاکره سیده مردم نینگ نقشی بولسه و ایل نینگ برچه ارزشلری هم سقلنسه دیگن.
صلح ایشلری بوییچه دولت وزراتی نینگ قماقخانه لر ایشلری و ملکی، دفاعی، امنیتی نهادلر هماهنگلنتیرووچی رییسی دوکتور میرویس سرگندایتدی که، افغانستان حکومتی و ایلی صلح اوچون جوده یومشاقلیک کورستگن جمله دن بیش مینگ طالب نی قیددن قویبریلیشی بونگه دلیل دیر.
صلح اوچون حکومت تلاشلری نینگ ثمره بخشلیگی ده مردم نینگ بیرلیگ سیسینی تاکیدله دی، او.
سرگند جنابلری اولکه موجود نظامی نی مردم نینگ آوازی دیب، صلح روندی ده جمهوریت و نظام نی سقلش مردم نینگ ایسته گی دیب ایتدی.
اولتیریشده اشتراک ایتگنلر صلح مذاکره سیو جمهورلیک نظامیدن آرقه داشلیک بیلدیرگن حالده؛ صلح روندی اوچون اوزلری نینگ ایستکلری ونظرلرینی بیلدیرگنلر.
اولرگه کوره، صلح مذاکره سیده جمهورلیک نظامی سقلنسین دیگن و صلح نینگ کیلیشی نی مردم نینگ نیچه ییللیک حقوق و ارزشلری نی سقله گنحالده ممکن دیگن.
اشتراکچیلر بو روندده مردم نینگ سهمی نی اوته مهم بیلیب، صلح ایشلری بوییچه دولت وزراتی مردم نینگ سیسلرینی و حرفلرینی ایشیتیشدهبوندن کوره کوپراق اولتیریش آلیشلری کیره ک دیگن.
اقلیتلر و عیاللر حقلری و یوتوقلری سقله نیشی، اوروش قربانلری عایله لری گه ییتیشیش، اساسی قانون و بیان ایرکینلیگی بیلن افغانستان ایلینینگ ایککه دهه یوتوقلرینی سقلش مسله سی اوستیده اشتراکچیلر تاکیدله گندیلر.
