افغانستان کنفرانسی حاشیه سیده برقرارتینچلیک نامی آستیده انجمن اوتکزیلدی
تینچلیک بوییچه دولت وزیری سید سعادت منصور نادری افغانستان اسلامی جمهوریتی نینگ مذاکره آلیب بارووچی هیات باشلیغی معصوم استانکزی هیات اعضالریدن حبیبه سرابی فوزیه کوفی و افغانستان دولت رسمیلری همده تشقی مملکتلر و خلق را تشکیلاتلر وکیللری اشتراکیده جینواده براقرارتینچلیک دیب ناملنگن افغانستان کنفرانسی دایره سیده انجمن اوتکزیلدی. تینچلیک بوییچه دولت وزیری و مذاکره آلیب بارووچی هیات عضوی سید سعادت منصور نادری انجمن نینگ اساسی نطق یوریتووچیسی صفتیده سوزگه چیقدی. جناب نادری اوشبو انجمننی قیین پیتلرده اوتکزیلیشینی خلق ارا همجعیت نینگ افغانستان خلقیگه بیردملیک پیغامی دیب اته دی. نادری جنابلری خلق ارا همجمعیت نینگ یاردمی تینچلیک اوچون ایجابی برنامه لرنی عملی قیلیشده فرصت یره تدی دیدی.تینچلیک بوییچه دولت وزیری افغانستاندهگی قیرق ییللیک اوروش افغان خلقیگه کیلتیرگن عذابلریگه اشاره قیلیب، افغان جمعیتی نینگ تورلی قتلملری افراطیچیلر تامانیدن نشانگه آلینیشی تصادفي ایمس، دیدی.
سید منصور نادری تینچلیک جریانیدهگی اوشبو مهم پلهده بیز خوف آستیده بولگنلر نینگ آوازی بولیشگه صادق ایکنلیگیمیزنی و بو آواز اینگ یوقاری درجهلرگه قدَر ایشیتیلیشینی تأکیدلهدی.
جناب نادری مدنی فعاللر و اوروش قربانلری اوزلری نینگ دردلرینی توغریدن-توغری افغانستان اسلامی جمهوریتی نینگ مذاکره آلیب بارووچی هیاتیگه ایتیب بیریش امکانیتیگه ایگه ایکنلیگینی اورغوله دی. اونینگ تأکیدلشیچه، اوشبوفکرلرنینگ ذکرقیلینیشی کیلهجکده عدالتلی و برقرار تینچلیک جریانیگه آلیب کیلهدی.
تینچلیک ایشلری بوییچه دولت وزیری نینگ سوزلریگه کوره، بوتون افغانستان بویلب عدالت، اقتصادي رواجلنیش و اجتماعي یرهشوونی تأمینلهیدیگن برقرار تینچلیک دستورلرینی کوریب چیقمسدن توریب، دایمي تینچلیککه ایریشیش ممکن ایمس. اونینگ قوشیمچه قیلیشیچه، افغانلر اورتهسیدهگی برچه قرمه قرشیلیکلرموجود بولگن حالده اسلامی جمهوریتی تینچلیک جریانی باره سیده اتفاق ویکدل دیر.
نادری جنابلری سونگگی 19 ییل ایچیده ایریشیلگن یوتوقلرنی، خصوصاً انسان حقلری، برچه ایتنیک گروهلر، یاشلر و عیاللر نینگ جمعیتدهگی رولینی سقلب قالیش مهملیگینی تأکیدلر ایکن، میلیونلب آواره لر حقلری حرمت قیلینه دیگن طرزده حمایه قیلینیب اوز اویلریگه قَیتیش امکانیتیگه ایگه بولیشلرینی اورغوله دی.تینچلیک ایشلری بوییچه دولت وزیری تینچلیک جریانی هرتمانلمه بولیشی اوچون ایچکی بیرلیککه تأکیدلب، اینگ ضعیف آدملر نینگ تینچلیک جریانیده اوز کیلهجگینی بیلگیلشده آوازی بولیشی کیرهکلیگینی تیلگه الدی. او خلقارا همجمعیت نینگ عمومانساني قدریتلرنی ترغیب قیلیش کیره ک لیگینی تأکیدلهدی.
سوزی نینگ آخریده او افغانستان نینگ خلقارا شریکلرینی اوشبو قدریتلرنی مستحکملش و اسره ب قالیش همده مملکتده عدالتلی و برقرار تینچلیکنی تأمینلشده دایمي قوللب-قوّتلشگه چقیردی.
باشقه تاماندن، افغانستان اسلامی جمهوریتی مذاکره هیاتی رئیسی معصوم استانکزی ییغیلیشده سوزلهگن نطقیده افغانستان خلقی اوروش و ایشانچسیزلیک ییللریده جوده کوپ عذاب چکدی و تینچلیککه ایریشیش اوچون طالبلر بیلن مضمونلی مذاکرهلر آلیب باریلیشی ضرور دیدی.
اونینگ تأکیدلشیچه، اگر صلح مذاکره لری جریاینده آتش کیسین مساله سیگه اعتبار بیریلمسه همده انسان حقلری، عیاللر حقلری حسابگه آلینمسه؛ جریان معمالی بولیشی ممکن.
مذاکره گروهی رهبری شونینگدیک، تینچلیک جریانیده عیاللر، اوروش قربانلری، اولکه گه قَیتیب کیلگنلر و باشقه گروهلر نینگ رولی تأمینلنمهگونچه؛ دایمي تینچلیککه ایریشیب بولمهیدی دیدی.
جناب استانکزی شونینگدیک، افغانستان ینه بیر بار آغیر سیناولرگه دوچ کیلهیاتگنی و افغانستان نینگ زورآورلیک توزاغیگه توشیب قالیشیگه یول قویمسلیک و تینچلیکسیز دوری قَیته تکرار بولیشگه رخصت بیرمسلیک باره سیده تاکیدقیلدی.
او خلقارا همجمعیت نینگ افغانستان تینچلیک جریانینی قوللب-قوّتلشینی یوقاری بهالهدی و افغان خلقی تینچلیک و فراوانلیککه ایریشیشیگه امید بیلدیردی.
پنلده مذاکره گروهی اعضاسی حبیبه سرابی تینچلیک مذاکرهلری نینگ کولمی تینچلیک جریانی برقرارلیگی و سیاسي جنجاللرنی حل قیلیش نتیجهلری نینگ برقرارلیگی بیلن بېواسطه باغلیقلیگینی ایتیب، تینچلیک مذاکرهلری کینگ قمراولی بولیشی ضرورلیگی حقیده گپیردی.اونینگ تأکیدلشیچه، مذاکره آلیب بارووچی گروهی اعضالری اوزلرینی مسوولیتلی دیب حسابلشهدی و تورلی طبقهدهگی آدملر، خصوصاً بوتون مملکت بویلب اوروش قربانلری و آزچیلیکلر بیلن اوزارا مناسبتده بولیب، اولر نینگ فکرلری، کوتیشلری، طلبلری، تشویشلری و قورقوولرینی تینگلهیدیلر.
تینچلیک ایشلری بوییچه دولت وزیرلیگی نینگ رولینی یوقاری بهالهگن خانم سرابی، وزیرلیک مذاکره گروهیگه بوتون مملکت بویلب تورلی خیل آدملر بیلن دییرلی ملاقات قیلیش امکانیتینی یرهتدی دیدی.
اونینگ تأکیدلشیچه، هیئت دایمي روشده خلقارا شریکلر و قوللب-قوّتلش گروهی اعضالری بیلن مصلحتلشیب تورهدی.
خانم سرابی مذاکره گروهی نینگ عیال اعضالری حقیده معلومات بیریب، عیال مذاکرهچیلر نهفقط ایرکک همکسبلری بیلن بیر قطارده عیاللر نینگ حقلرینی قتّيق حمایه قیلیشلرینی، بلکه تینچ، مستقل و گُللب-یشنهیاتگن افغانستان تقدیری و کیلهجگی حقیدهگی مناظرهلرده فعال اشتراک ایتیشلرینی تأکیدلهدیلر.
سونگگی ییگیرمه ییل ایچیده افغانستاننی دایمي قوللب-قوّتلشی اوچون خلقارا شریکلرگه منّتدارلیک بیلدیریب، او خلقارا همجمعیتنی دایمي قوللب-قوّتلشی نهفقط حاضرگی مذاکرهلر جریانی اوچون، بلکه کیلگوسی ییللر اوچون هم مهمدیردیدی.
خانم سرابی خلقارا همجمعتنی آتش کیسین اوچون حرکت قیلیشگه و تینچلیک استراتیژيسینی عملگه آشیریشده و افغان خلقی نینگ تینچلیک اوستونلیگی حقیدهگی قرهشلری و ایستکلرینی عملگه آشیریشده یاردم بیریشگه چقیردی.
مذاکره گروهی نینگ ینه بیرعضوی خانم فوزیه کوفی خلقارا همجمعیت نینگ حمایتیدن منّتدارلیک بیلدیریب، افغانستان اوزاق یولنی باسیب اوتگنینی و کیلهجکده اوزاق یولنی باسیب اوتیشیگه مجبورلیگینی ایتیب اوشبو یونهلیشلرده خلقارا همجعیت هر دایم افغانستان خلقی نینگ یانیده بولگن و کیلهجکده هم دوام ایتتیریش ضرور دیدی.
اونینگ سوزلریگه کوره، افغانستان اسلامی جمهوریتی نینگ مذاکرهلر آلیب بارووچی هیاتی هر دایم ترقی و رواجلنیشلرنی کوته یاتگن نسل نینگ امید و ارزو لرینی همده اوزگریش تمان یول آلگن افغانستاننی نمایان ایتیش خصوصیده سعی - حرکت قیلگن.
خانم کوفی مذاکرهلر دوامیده عیاللر حقلری، انسان حقلری و سونگگی اون تۉقّیز ییلده ایریشیلگن یوتوقلر حمایه قیلینیشنی تأکیدلهدی.
شونینگدیک، او مذاکرهلری پیتیده زورآورلیک کوپیگنینی کوردیک، اما تینچلیک اوچون عمومي زمین یرهتیلهدی دیگن امیددهمیزدیدی.
ییغین افغانستان تشقی ایشلر وزیری حنیف اتمر و اروپا اتفاقی کمیساری جینز رنارچیچ باشچیلیگیدهگی بولیب اوتدی. بیرینچی خانم بی بی گل رولا غنی، عیاللر وزیری حسینه صافی، قاچقینلر وزیری نور رحمان اخلاقی و مستقل انسان حقلرینی سقلش کمیسیون رئیسی شهرزاد اکبر اشتراک ایتیشدی. شونینگدیک، افغانستان عیاللر ترماغی رهبری ماری اکرمی ، ناروی، سویدن و بریتانیا رسميلری، بیرلشگن ملتلر تشکیلاتی نینگ انسان حقلری بوییچه عالي کمیشنری، بیرلشگن ملتلرتشکیلاتی انسان حقلری بوییچه مسوولی و جهان بانکی نینگ جَنوبی آسیادهگی اۉرینباسری سوزگه چیقدیلر.
جینیواکنفرانسی بوگون یوزگه یقین دولت و خلقارا تشکیلاتلر وکیللری اشتراکیده انلاین و حضوری طرزده آچیلدی. اوشبو ایککی کونلیک کنفرانسده افغانستان اسلامی جمهوریتی افغانستان خلقی نینگ آرزولری وقره شلرینی اوز ایچیده الگن افغانستان نینگ ملی تینچلیک و رواجلنیش همده اوزینی اوزی تامینلیدیگن مهم موضوعلردن عبارت حجت نی دنیا همجمعیت مملکتلری بیلن شیریک قیله دی.
