۳ نچی خط روندی اجتماعی سازمان مسووللری بیلن صلح ایشلری بوییچه دولت وزیری نینگ اوچره شووی
صلح ایشلری بوییچه دولت وزیری سید سعادت منصور نادری ۳ نچی خط روندی اجتماعی سازمانی رییسی داکتر نجیب وردک و سازمان مسووللری بیلن اوچره شدی.
بو اوچره شوده باشلنغیچ پیتده داکتر نجیب وردک ۳نچی خط روندی نینگ فعالیتی حقیده معلومات بیردی. اونگه کوره بو سازمان رضا یاشلردن تشکیل تاپیلگن دیر که؛ سیلاولر، امنیتی دفاعی کوچلر، ۱۹ کوید حقیده مردم نی آگاه لنتیریش، ایرکینلیک کوندن نشانلش، صلح بوییچه مشورتی اولتیریش و طبیعی حادثه لرده ضرر کورگنلردیک ملی پروسه دن حمایت و آرقه داشلیک قیلیب فعال بولیب کیلگنلر.
همده او ایتدی که بو سازمان دوحه اولتیریشی اوچون مردم صلح پیامی کمپاینی نی یولگه قوییب، هرات، کابل، قندهار و هلمند تورت ولایتدن ۹۰ مینگ پیام نی صلح ساختاری اوچون ییغیشتیرگن دیر.
۳ نچی خط روندی اجتماعی سازمانی رییسی بو نهاد نینگ کیله جک فعالیتلری حقیده ایضاح بیرگندن سونگ، بو روند نینگ برنامه لریدن معنوی حمایت نی التماس قیلدیلر.
صلح ایشلری بوییچه دولت وزیری بو سازمان نینگ فعالیتلریدن منتدارلیک بیلدیریب، مدنی جامعه نهادلری صلح روندی اوچون کوچلی یوتوقلیک قولی دیب تیلگه آلدی او.
نادری جنابلری صلح فعال لری و مدنی جامعه نهادلری نینگ فعالیتی تسهیلی نی صلح ایشلری بوییچه دولت وزراتی نینگ اولویت ایشلری دیب، صلح اعماری و وزرات برنامه لری گه موافقلیگی بیلن ایل نینگ ایسته گیگه توغری کیله دیگن برنامه لردن هر تمانلمه ارقه داشلیک بیلدیریش وزرات نینگ بورچی دیب هم قوشیمچه قیلدی، او.
