یرهشوو بوییچه دولت وزیرلیگی نینگ پالیسیلر و برنامهلر عمومی باشلیغی و تدارکات رئیسی تانیشتیریلدی
یرهشوو بوییچه دولت وزیری و معینلر، مصحلتچیلر و صلح بوییچه دولت وزیرلیگی نینگ رییسلری، عامه ساغلیقنی سقلش وزیرلیگی نینگ معینی و شونینگدیک بیر قطار حکومت مسووللری اشتراکیده بولیب اوتگن بیر برنامه اساسیده، محمد ناصر صدیقی پالیسیلر و برنامهلر عمومی باشلیغی صفتیده و عبدالعظیم احمدزی تدارکات رئیسی صفتیده صلح بوییچه دولت وزیر لیگیگه تعینلندی.
بو برنامه باشلنیشیده، صلح بوییچه دولت وزیرلیگی نینگ بشری منبعلر رییسی بسم الله صاعد، مذکور رییسلر نینگ تعینلنگن حکم لرینی قرائت قیلدی.
دوامیده صلح بوییچه دولت وزیری ینگیدن تعینلنگن رئیسلرگه مبارک ایتیشدن علاوه، اولرنی فوقالعاده کدر لردن دیب، بو وزیرلیکده افتخار بغیشلشلری ممکن دیدی. سید سعادت منصور نادری مملکت نینگ کیلهجگی اوچون صلح بوییچه دولت وزیرلیگی نینگ رولی سر نوشتساز بولگنلیگی توغری سیده گپیریب و کوپهیتیریشیچه، بو وزیرلیک اساساً سیاسی؛ اما بو نینگ عملکردی سیاسی ایمس دیر و مردم و دولت اورته سیده، مردم و صلح چارچوبه لری و دولت و طالبلر اورته سیده باغلنیش نقطهسی صفتیده عمل قیلهدی.
صلح بوییچه دولت وزیری ینگیدن تعییلنگن رئیسلرگه موفقیت ایستهدی.
ایتیش کیرهک که، محمد ناصر صدیقی مالیه وزیرلیگی نینگ عمومی هماهنگلیک، کوزهتیش و گزارش بیریش ریاستیده و خلق ارا نهادلر گه ایش تجربهسی بار شونینگدیک عبدالعظیم احمدزی ایسه عامه ساغلیقنی سقلش وزیرلیگی نینگ پالیسی و پلان ریاستیده و ایچکی و خلق ارا نهاد لرگه ایش تجربه سیگه ایگه دیر.
