مذاکرهلر آلیب بارووچی هیأتنینگ بدخشان ولایتی اهالیسی بیلن اوچرهشوی
افغانستان اسلام جمهوریتی مذاکرهلر آلیب بارووچی هیأتینینگ بدخشان ولایتی اهالیسی تورلی قتلملری بیلن مصلحت اوچرهشووی، تینچلیک ایشلری بۉییچه دولت وزیرلیگینینگ قومي بیرلشمه و مؤسسهلر اۉرین باسرلیگی میزبانلیگیده بۉلیب اۉتدی.
مذاکرهلر هیأتی رئیسی محمد معصوم ستانکزی و هیأت اعضالری فوریه کوفی و داکتر محمد امین احمدی اشتراکیده اۉتکزیلگن ییغیلیش باشیده، تینچلیک ایشلری بۉییچه دولت وزیری قومي بیرلشمه و مؤسسهلر اۉرین باسری عبدالخالق بالاکرزی، اوشبو ییغیلیش مذاکرهلر هیأتینینگ تینچلیک جریانیده خلق اشتراکینی تأمینلش و اولر بیلن فکر المهشیش اوچون یۉلگه قۉییلگن اوچرهشوولری دوامیده اۉتکزیلهیاتگنینی اَیتدی.
شوندن سۉنگ، مذاکرهلر هیأتی رئیسی و اعضالری مذاکرهلرنینگ بیرینچی باسقیچیده هیأتنینگ عملگه آشیرگن وظیفهلری تۉغریسیده اشتراکچیلرگه معلومات بېردیلر و تینچلیک مذاکرهلرینینگ ایکّینچی دوری کون ترتیبیگه عاید مسألهلر حقیده صحبت قیلدیلر.
اوچرهشوو اشتراکچیلری، شونینگدېک، اۉزلرینی قیزیقتیرگن سۉراقلر، ملاحظهلر و تکلیفلر (پیشنهادلر) نی مذاکرهلر هیأتی اعضالری بیلن اۉرتاقلشدیلر.
اېریشیلگن یوتوقلرنینگ سقلب قالیش، آتش کېسیم اۉرنهتیش و اوروشنینگ توگهتیلیشینی تأکیدلب، اولر مذاکره آلیب بارووچی هیأت اعضالرینی افغانستان خلقینینگ حقوقلری و قدریتلرینی حمایه قیلیشگه چقیردیلر.
