عیاللر آوازی مصلحت گروهی نینگ تینچلیک سیاستی بوییچه اساسی بیاناتی نی اعلان قیلدی

a.zia
Tue, Aug 10 2021 11:04 AM
smp

تینچلیک سیاستی بوییچه عیاللر آوازی مصلحت گروهی نینگ اساسی بیاناتی تینچلیک ایشلری بوییچه دولت وزیرلیگی نینگ مدنی جماعه و انسان حقلری ایشلری معینی و باشقروچی سی داکتر عالمه و اوشبو گروه اعضالری حضوری بیلن آنلاین شکلده اوتکزیلگن یغیلیش آرقلی مملکت ۳۴ ولایتی دن اعلان قیلیندی.
دستلب، تینچلیک ایشلری بوییچه دولت وزیرلیگی نینگ جندر مساله‌لرینی موفقلشتریش باشلیغی ناحیده حیدری دستور نینگ کون ترتیبی بیلن تانیشتیرر ایکن زوروانلیکلر کوچیگنی اوچون افغان عیاللری اوز کیله‌جگیدن خواطرده ایکنلرینی ایتدی.
عیاللر هر قندای جنجالنی یره‌تیشده هیچ‌قندای رول اوینماسه هم اولر اینگ کوپ عذاب چیکیشگن شو سببلی تینچلیک سیاستی بوییچه عیاللر آوازی مصلحت گروهی عیاللر حق و حقوقلری تأمینلنیشی اوچون حاضرکی یغیلیشنی اوتکزدی.
تینچلیک ایشلری بوییچه دولت وزیرلیگی نینگ مدنی جماعه و انسان حقلری ایشلری معینی و باشقروچی سی داکتر عالمه موجود وضعیتگه اشاره قیلیب، ییللر دوامیده کوپ اورینیشلرگه قره‌مای افغان عیاللری دشمن گروهلر تمانیدن باستیریلگنلرینی ایتدی.
اونگه کوره، سونگی پیتلرده افغانستان یاوولری تمانیدن تورلی ولایتلرده زوروانلیکلر کوچیگنی عیاللر خوافسیزلیگی بوییچه تورلی خواطرلرنی یره‌تگن، احوال بوندای ایکن افغانستان برچه خلقی خوافسیزلیک کوچلری یانیده توریب یورتلریدن مدافعه قیلیشلری کیره‌ک.
تینچلیک ایشلری بوییچه دولت وزیرلیگی نینگ مدنی جماعه و انسان حقلری ایشلری معینی و باشقروچی سی شونینگ دیک عامه‌وی اخبارات واسطه‌لری تمانیدن اعلان قیلینگن دلیللر و حجتلرگه کوره طالبان انسانیتگه قرشی جنایت ایشلری بیلن عیاللرنی جهادالنکاح قربانیگه ایلنتیرماقچی بولگن اما افغان خاتین-قیزلری هیچ بیر زمان ظلم گه تن بیرمایدی و آرقه‌گه قیتمایدی دیب ایته دی.
او  مملکت نینگ برچه اهالی‌سیدن ایچکی قاچقینلرگه یاردم بیریشلری و اوز وطنداشلریگه همکارلیک قیلیشلرینی سوره گن.
تینچلیک سیاستی بوییچه عیاللر آوازی مصلحت گروهی و سنا کینگشی اعضالریدن بولگن انارکلی هنریار  نینگ ایتیشیچه خلق ارا همجمعیت و انسان حقوقلری تشکیلاتلری بو خصوصده بی‌فرق بولمای افغانستانده برقرارلیک اورنه‌تیلیشی اوچون همکارلیک قیلیشی لازم.
تینچلیک سیاستی بوییچه عیاللر آوازی مصلحت گروهی نینگ فاریاب ولایتیده‌گی اعضاسی زرمینه زارع برچه ولایتلرده عیاللر برچه قینچیلیکلر بیلن دوچ ایکنلرینی ایتیب، اهالی اوی-جایلریدن ایریلگنحالده خوافسیز جایلرگه باشپناه کیلتیرگنلر، عیاللر رسمی ایش و اداره‌لرگه باره‌آلمایدی ، قیزلر مکتبلری یاپیق و هیچ بیر عیال محرمسیز اویدن چیقیشگه حقلی ایمس دیب ایتگن.
نیمروز ولایتیدن تینچلیک سیاستی بوییچه عیاللر آوازی مصلحت گروهی نینگ ینه بیر اعضاسی کویتا صدیقی ماجرا اوج آلگنیدن کیین ولایتده عیاللر نینگ احوالی و خاتین-قیزلر چیکلاولری و معمالری حقیده گپیردی.
تینچلیک سیاستی بوییچه عیاللر آوازی مصلحت گروهی اعضاسی و تخار ولایتی نینگ اجتماعی اورین باسری فروزان دانش مذکور ولایتده عیاللر خوافسیزلیگی و اقتصادی احوالی آغیر دیدی. 
او خلق ارا همجمعیتی‌نی افغان خلقی نینگ آوازیگه قولاق سالیشی‌گه و تروروچیلیک، اوروش جنایتلری یانیده جیم تورمسلیککه چقیردی. 
انترنیت ده یا کی شخصا مناظره‌ده اشتراک ایتگن تینچلیک سیاستی بوییچه عیاللر آوازی مصلحت گروهی نینگ باشقه اعضالری هم ولایتلرده‌گی عیاللر احوالی توغریسیده حسابات بیریشدی و حکومت بیرلشگن ملتلر تشکیلاتی و انسان حقوقلری تشکیلاتلریدن افغان عیاللر حمایت بولیشلری و افغانستانده تینچلیک برقرارلنیشی اوچون جدی حرکت قیلیشلرینی سوره گنلر. 
یغیلیش سونگیده بویوکلر کینگاشی و تینچلیک سیاستی بوییچه عیاللر آوازی مصلحت گروهی نینگ اعضاسی نادیه صالح بیاناتنی اوقیب ایشیتیردی. 
بیانات‌ده عیاللر نینگ مملکتده‌گی برچه قرارلر قبول قیلیش جریانلری اینقسه تینچلیک جریانلریده مهم اشتراکی تاکیدلنگن شونینگ دیک افغانستان حکومتی و خلق ارا همجمعیتی افغان عیاللری حقوقلری تامینلنیشی و اوتگن ۲۰ییل دوامیده‌گی یوتوقلری سقلب قالینیشی اوچون جدی چاره تدبیرلر آلیشلری سوره‌لگن. 
 تینچلیک سیاستیده عیاللر نینگ یگانه آوازی بولگن اوشبو گروه نینگ کوچلنیشی و قولاب-قوتلنیشی لازم، عیاللر برچه حقوقلری شامل ایرککلر بیلن تینگ حقوققه ایگه بولگنحالده تینچلیک جریانیده مهم حصه قوشیشلری کیره‌ک. 
شونینگ دیک بیاناتده تینچلیک سیاستی بوییچه عیاللر آوازی مصلحت گروهی تینچلیک جریانیده طالبان بیلن علاقه‌سی بار مملکتلر گه لابیگرلیک قیلیشی و سیاسی اوزلوکسیز ایش آلیب باریشی کیره‌ک دییه قید قیلینگن.
ایتیش جایز کی تینچلیک سیاستی بوییچه عیاللر آوازی مصلحت گروهی افغانستان برچه ولایتلری خاتین-قیزلری اشتراکیده عیاللر حقلری فعاللری تمانیدن ایجاد ایتیلگن بولیب اوشبو گروه ایش و فعالیتی تینچلیک ایشلری بوییچه دولت وزیرلیگی تمانیدن آلغه آلیب باریلماقده.

داوطلبۍ

Wed, Aug 11 2021 12:07 PM
Background image

تینچ‌لیک تدقیقات‌لری اوچون اکادمیک نهادلری‌ کمیته‌سی نینگ ییغیلیشی بولیب اوتدی 

تینچ‌لیک تدقیقات‌لری اوچون اکادمیک نهادلری کمیته‌سی‌نینگ ییغیلیشی یولگه قوییلیب، اونده مذکور کمیته‌ طرزالعمل‌نینگ لایحه‌سی خصوصیده فکر المشتیریلدی.
تینچ‌لیک بوییچه دولت وزیرلیگی‌نینگ. . .

Tue, Aug 10 2021 11:04 AM
Background image

عیاللر آوازی مصلحت گروهی نینگ تینچلیک سیاستی بوییچه اساسی بیاناتی نی اعلان قیلدی

تینچلیک سیاستی بوییچه عیاللر آوازی مصلحت گروهی نینگ اساسی بیاناتی تینچلیک ایشلری بوییچه دولت وزیرلیگی نینگ مدنی جماعه و انسان حقلری ایشلری معینی و باشقروچی سی داکتر عالمه و اوشبو گروه. . .

Mon, Apr 05 2021 2:11 PM
Background image

افغانستان اوچون بیرلشگن ملتلر باش کاتبی خاص نماینده سی معاونی بیلن صلح دولت وزراتی وزیری نینگ اوچره شووی

افغانستان اسلامی جمهوریتی مذاکره قیلووچی هییت مذاکره سی عضوی و صلح دولت وزراتی وزیری سید سعادت منصور نادری، افغانستان اوچون بیرلشگن ملتلر سازمانی باش کاتبی خاص نماینده سی معاونی خانم. . .

BACK TO NEWS