صلح روندی نی آرقه داشلیک قیلووچی اولکه لر صلح ساختارلری گه یاردم بیره دیلر
افغانستانده گی بیرلشگن ملتلر تشکیلاتی (یوناما) معاونتی هیئتی آنلاین میزبانلیگی نینگ اولتیریشیده؛ صلح ایشلری بوییچه دولت وزیری سید سعادت منصور نادری و ملی یره شو یوکسک کینگاشی ارشد مشاوری مصطفی مستور، اولکه لر سفیرلری و نماینده لری، صلح روندی گه خلق ارالیک حمایتچی نهادلری اشتراک ایتگن ایدیلر.
باشله نیشده صلح ایشلری بوییچه دولت وزیری بو اولتیریشدن حمایت ایتگن اشتراکچیلر و میزبانلیک قیلگن یوناما دن منتدارلیک قیلیب، بونقه اولتیریش نی القیشله دی.
نادری جنابلری افغانستان صلح روندی اوچون ایجاد بولگن ساختارلر نقشی حقیده معلومات بیردی. او ایتدی که صلح روندی نینگ اینگ مهم بدنه سی ملی یره شو یوکسک کینگاشی دیر، مذاکره قیلوچی هیئت مذاکره لرنینگ ایشینی ایلگری آلیب باره دیلر و صلح ایشلری بوییچه دولت وزراتی تخنیکی بدنه صفتیده افغانستان صلح و مصالحه سی بوییچه عمل قیله دی، دیگن.
فسادگه کوره ش و حساب بیریش اهمیتی گه اشاره قیلگن صلح ایشلری بوییچه دولت وزیری ایتدی که صلح ساختارلری نینگ برچه سی شفافیت لیکدن آرقه داشلیگ قیله دیلر. اونگه کوره متقابل حساب بیریش بوییچه میکانیزم اوستیده ایش بولگن دیگن.
سید سعادت منصور نادری صحبتی نینگ دوامیده ایتدی که ظرفیت سازلیک و برنامه لر تطبیقی بوییچه صلح ساختاریده خلق ارالیک شریک اولکه لرنینگ یاردمی گه کیره گی بار دیگن.
بو اولتیریشده، یوناما معاونی استیو بروکینگ، صلح ساختارلری برنامه لریدن ارقه داشلیگی اعلان ایتدی.
همده اشتراکچیلر اوزلری نینگ نظرلرینی یاردمچیلیک و زمینه قنده یلیگی حقیده بیلدیردیلر. اولر ایتدیلر صلح روندی دن حمایت قیلگن حالده صلح ساختاری نینگ برنامه لرینی ایلگری آلیب باریشده یاردمچی میز دیگنلر.
ملی یره شوو یوکسک کینگاشی ارشد مشاوری مصطفی مستور جنابلری، بو شورا تشکیلاتی و فعالیتلری حقیده معلومات بیریب، ایتدی که صلح ایشلری بوییچه دولت وزراتی بو شورا بیلن اوزلری نینگ ایشلری نی هماهنگلیک صورتده ایلگری آلیب بارماقده.
او اشتراکچیلرنینگ نظرلرینی مهم بیلیب، ایتدی که برنامه لر نی عمل گه آشیریشده ملی یره شوو یوکسک کینگاشی لازم زمینه لر نی یره ته دی دیدی
صلح ایشلری بوییچه دولت وزراتی نینگ استراتیژی و پالیسی، هماهنگلیک معینی عبدالله خنجانی، شفافیت و حساب بیریش مسله سیگه تاکیدلب، مثبت نتیجه لرگه ایریشیش عاملی نی یاردمچیلیک لرنینگ ساختاری دیگن، او.
