صلح بوییچه دولت وزراتی نینگ عیاللرگه زوره وانلیک آلدینی آلیش کمیته اعضاسی تانیشتیریلدیلر
صلح بوییچه دولت وزیری سید سعادت منصور نادری، او وزرات نینگ مدنی جامعه و بشر حقلری بوییچه معینی دوکتور عالمه، اداری و حمایوی معینی غلام یحیی عباسی، ارشد مشاورلر، بو وزرات نینک رییسلر و ایشلاوچیلری حضوریده اولتیریش بولگن محفلده صلح ایشلری دولت وزراتی نینگ عیاللرگه زوره وانلیک نی آلدینی آلیش کمیته اعضاسی تانیشتیریلدی.
باشلنغیچده صلح دولت وزیری سید سعادت منصور نادری عیاللرگه زوره وانلیک کورسه تیش نی آلدینی آلیش و زوره وانلیککه قرشی چیقیش قانونی اولکه نینگ اینگ مهم قانونلریدن بیریسی دیب، بو قانون نی کوزگه توتیش هر بیر کیشی نینگ بورچی دیدی او.
زوره وانلیک نی آلدینی آلیش یگانه یولی نی زوره وانلیک که قرشی کوره ش و آلدینی آلیش قانونی نینگ تطبیقی دیدی و بو حقده صلح دولت وزراتی ده مردم نی آگاه لنتیریش اوچون سیمینار اوتکزیلیشی کیره ک دیدی.
نادری جنابلری ایشلاوچیلر اینیسقه خانم لرگه یخشی محیط یره تیش بو وزرات نینگ تعهدلری دن دیر و شونقه ایش فضاسی اورته گه کیلیشی حتمی دیدی.
صلح بوییچه دولت وزراتی بشری منابع باشلیغی بسم الله صاعد، عیاللرگه زوره وانلیک آلدینی آلیش و زوره وانلیککه قرشی کوره ش کمیته اعضاسی نی تانیشتیردی.
کمیته اعضاسی نینگ ایش و فعالیتلری بیلن لایحه وظیفه سی بوییچه جندر پالیسی تطبیقی آمری تورپیکی رحیمی معلومات بیردی.
عیاللرگه زوره وانلیک نینگ آلدینی آلیش و زوره وانلیککه قرشی کوره ش کمیته سی بو وزرات نینگ مدنی جامعه و بشر حقلری بوییچه معینی دوکتور عالمه باشچیلیگیده، جندر هماهنگی رییسی ناهیده حیدری بیلن بشری منابع رییسی بسم الله صاعد عضویتلیگی اساسیده تشکیل تاپیلگن دیر.
