سیاسی حزبلر بیلن علاقه کمیتهسینینگ بیرینچی ییغیلیشی بولیب اوتدی
سیاسی حزبلر بیلن علاقه قوریش کمیتهسینینگ بیرنیچی ییغیلیشی تینچلیک وزیرلیگی انسان حقوقلری و مدني جماعهچیلیک ایشلری بۉییچه وزیر اۉرین باسری دکتور عالمه اشتراکیده بۉلیب اۉتدی.
تینچلیک وزیرلیگینینگ انسان حقوقلری و مدني جماعهچیلیک ایشلری بۉییچه وزیر اۉرین باسری دکتور عالمه اوچره شوو باشیده سیاسی حزبلر بیلن علاقه کمیتهسینی تشکیل اېتیش آرقهلی کمیتهگه کتّه مسۉولیت یوکلنگنلیگینی اَیتدی. اونینگ قۉشیمچه قیلیشیچه، تینچلیک ایشلری بۉییچه دولت وزیرلیگی علاقه کمیتهسینینگ اۉز مسۉولیتینی ادا قیلیشیدهگی ایشلرینی آسانلشتیرهدی.
اونینگ سۉزلریگه کۉره، کمیتهنینگ وزیرلیک بیلن قۉشمه اوچرهشوولرنی تشکیل اېتیشدن مقصد، تامانلرنینگ فکرلرینی تۉپلش و مذاکرهلر هیأتی بیلن بۉلیشیشدیر.
انسان حقلری و مدني جماعهچیلیک ایشلری بۉییچه وزیر اۉرین باسری اوشبو کمیته تینچلیک جریانیده مهم رۉل اۉینشی ممکنلیگینی تأکیدلدی.
اوشبو ییغیلیشده علاقه کمیتهسی اعضالری اۉز فعالیتلرینی قندهی باشلش و او بیلن باغلیق میکانیزم حقیده صحبتلشدیلر. اولر ییغیلیشلرنی موافقلشتیریش، اداري هیأتنی سَیلش و وظیفهلر تۉغریسیدهگی قانون لایحهسینی تیارلش ضرورلیگینی تأکیدلدیلر.
کمیته اعضالرینینگ آواز (رأی) بېریشیدن سۉنگ بیر کیشی نوبتدهگی ییغیلیش رئیسی و ایکّی کیشی منشی اېتیب سَیلندی.
انسان حقوقلری و مدني جماعهچیلیک ایشلری بۉییچه وزیر اۉرین باسری دکتور عالمه، وزیرلیک کمیتهنینگ ییغیلیشلری اوچون ضرور شرایطلرنی یرهتیب بېریشیگه وعده بېردی. ییغیلیش سۉنگگیده تینچلیک ایشلری بۉییچه دولت وزیرلیگینینگ سیاسی و مدني جماعهچیلیک تشکیلاتلری رئیسی لیلا جعفری اوچرهشوونی یکونلهدی.
