تینچلیک بۉییچه دولت وظیفهسینی بجرووچی چک جمهوریتی اېلچیسی بیلن اوچرهشدی
تینچلک ایشلری بۉییچه دولت وزیری وظیفهسینی بجرووچی و موافقلشتیریش، سیاست و استراتیژی بۉییچه وزیر اۉرین باسری عبدالله خنجانی چک جمهوریتینینگ کابلدهگی اېلچیسی ایرژی بالون بیلن اوچرهشدی. اوچرهشوو چاغیده چک اېلچیسی چک جمهوریتینینگ سۉنگگی ییللرده افغانستان خلقی بیلن تورلی ساحهلردهگی همکارلیگی حقیده سۉزلب بېردی و چک مملکتی برقرار و دموکراتیک افغانستاننی قۉللب-قُوَّتلشینی اَیتدی.
ایرژی بالوننینگ قۉشیمچه قیلیشیچه، چک جمهوریتی افغانستاندهگی مذاکرهلرو تینچلیک جریانینی موفقیتلی بۉلیشینی ایستهیدی و اۉزینینگ دیپلوماتیک یاردمینی دوام اېتتیرهدی.
تینچلیک بۉییچه دولت وزیری وظیفهسینی بجرووچی چک جمهوریتینینگ سۉنگگی ییگیرمه ییل ایچیده تورلی ساحهلرده، جملهدن تعلیم و قیته قوریش ساحهلریدهگی همکارلیگینی اېسلب، اۉز قدردانلیگینی بیلدیردی.
عبدالله خنجانینینگ اَیتیشیچه، افغانستان اسلام جمهوریتی هیأتی افغانستان تینچلیک مذاکرهلرینینگ ایکّینچی باسقیچی اوچون دوحهده بۉلیب، افغانستان دولتی و خلقینینگ هر تامانلمه قۉللب-قُوَّتلشیدن فایدهلنماقده.
اونینگ سۉزلریگه کۉره، دوام اېتهیاتگن زۉرهوانلیکلر و مقصدلی سوء قصد و ترورچیلیکلر افغانستان خلقینی تشویشگه سالماقده و شونینگ اوچون افغانستان اسلام جمهوریتی هیأتی جنگاور حرکتلرنی تۉختهتیش و آتش کېسیم مسألهسینی کون ترتیبیگه قۉیگن.
جناب خنجانی خلق ارا همجمعیتنینگ قۉللب-قُوَّتلشی مذاکرهلر جریانینینگ رواجلنیشی و ایلگری سوریلیشیده علیحده اهمیتگه اېگه اېکنلینگینی و افغانستان مردمی خلق ارا شریکلرینینگ دایمی حمایهسینی ایستهشینی اَیتدی.
