تینچلیک بۉییچه دولت وزیری وظیفهسینی بجرووچی فنلند اېلچیسی بیلن اوچرهشدی
تینچلیک بۉییچه دولت وزیری وظیفهسینی بجرووچی، موافقلشتیریش، سیاست و استراتیژی بۉییچه وزیر اۉرین باسری عبدالله خنجانی فنلندنینگ کابلدهگی اېلچیسی پیکا کوسونن و اونینگ اۉرین باسری نیلی میکلولا بیلن اوچرهشدی.
اوچرهشوو دوامیده عبدالله خنجانی فنلدنینگ «افغانستان-2020» ییغیلیشینی ژنیواده اۉتکزیشده همکارلیک قیلگنی اوچون منتدارلیک بیلدیردی و اونینگ موفقیتلرینی افغانستان خلقی اوچون کتّه یوتوق دېب اتهدی.
تینچلیک بۉییچه دولت وزیری وظیفهسینی بجرووچی دوحهده افغانستان تینچلیک مذاکرهلرینی اوتکزیش مسألهسی حقیده گپیریب، تینچلیک جریانیده اوشبو وزیرلیک رۉلی تۉغریسیده معلومات بېردی. اونینگ قۉشیمچه قیلیشیچه، وزیرلیک شفّافلیک و اۉزارا حساب بېریشنی تأکیدلهیدی.
عبدالله خنجانی، شونینگدېک، قبول قیلینیشی ممکن بۉلمهگن درجهدهگی زۉرهوانلیک و مقصدلی قاتللیکلردن افغانستان خلقینینگ خواطرلنیشیگه اشاره قیلیب ایتیشیچه، دولت تینچلیک مذاکرهلر بیلن بیر زمانده بو کبی زۉرهوانلیکلرگه چېک قۉییلیشینی تأکیدلهماقده.
فنلندنینگ کابلدهگی اېلچیسی پیکا کوسونن، افغانستان اوچون ژنیوا کنفرانسی «کوویت 19» یَیرهگن بیر پیتده اۉتکزیلگنینی، خلق ارا همجمعیتنینگ افغانستاننی قۉللب-قُوَّتلشی دېب اتهدی.
اونینگ سۉزلریگه کۉره، دنیا همجمعیتی، اینیقسه فنلند، افغانستانده زۉرهوانلیک و اوروشگه چېک قۉییلیشینی ایستهیدی و حاضرگی تینچلیک جریانینی قۉللب-قُوَّتلهیدی.
