تینچلیک بۉییچه دولت وزیری: وزیرلیک ایش سیاستینی توزیش و قرار قبول قیلیشده علمي نتیجهلردن فایدهلنهدی.
تینچلیک ایشلری بۉییچه دولت وزیری و افغانستان اسلام جمهوریتی مذاکرهلر هیأتینینگ عضوی سید سعادت منصور نادری اوروش و تینچلیک تدقیقاتی انستیتوتی تامانیدن تشکیل اېتیلگن اوچینچی «افغانستان خلقینینگ تینچلیک سۉراونامهسی» نینگ آچیلیشیده سۉزگه چیقدی.
جناب نادری مراسمده، تینچلیک ایشلری بۉییچه دولت وزیرلیگی اوروش و تینچلیک حادثهلرینینگ ماهیتی و اۉلچملرینی توشونیشده آلیب کېلینه دیگن هر قندهی علمي حرکتلرنی ممنونیت بیلن قبول قیلیشینی و سۉراولر و علمي دستورلر نتیجهلریدن ایش سیاستینی شکللنتیریش و قرار قبول قیلشده فایدهلنیشینی اَیتدی.
تینچلیک بۉییچه دولت وزیری، شونینگدېک، تینچلیک جریانینینگ اساسي اېگهلری خلق اېکنینی و آخر-عاقبت عیناً شو خلق، قانوني و بیلگیلنگن میکانیزملر آرقهلی افغانستاننینگ تینچلیگی و کیلهجگی حقیده قرار قبول قیلیشلرینی تأکیدلدی.
او، سۉراوده قتنشگنلرنینگ 75 فایضی افغانستان اسلام جمهوریتی مذاکره هیأتی آتش کېسیم مسألهسینی بیر مهم و استوار وظیفه صفتیده تینچلیک مذاکرهلری کون ترتیبیگه کیریتیشینی ایستهگنلیکلریگه اشاره قیلیب اَیتیشیچه، آتش کېسیمنی تأمینلش و زۉرهوانلیکنی زودلیک بیلن تۉختهتیش بوتون افغانستان خلقی و خلق ارا همجمعیتنینگ ایستگیدیر. اونگه کۉره، زۉرهوانلیکنی دوام اېتتیریش اوچون هیچ قندهی اساس یۉق و بو ایش تینچلیک جریانیگه ضرر یېتکزیشدن تشقری، جماعتچیلیکنینگ ایشانچ درجهسینی هم پسهیتیرهدی.
جناب نادری، شونینگدېک، سۉراوده قتنشگنلرنینگ ۹۶ فایضی افغانستان اسلام جمهوریتی و افغانستان خلقیگه قرشی آلیب باریلهیاتگن حاضرگی اوروشنی قانونی دېب بیلمهگنلرینی اَیتدی، اوشبو موضوع دفعهلرچه خلق تامانیدن اۉرتهگه قۉییلگن، مملکت و اسلام دنیاسی دین عالملری افغانستاندهگی جاری اوروشنینگ هیچقندهی قانوني و شرعي اساسگه اېگه بۉلمهگنلیگی حقیده فکرداشلر دېدی.
سۉراوده قتنشگنلرنینگ ۸۸ فایضی جمهورلیک تیزیمینی قۉللب-قُوَّتلگنینی تأکیدلب، تینچلک بۉییچه دولت وزیری سۉنگگی ایکّی اۉن ییللیکده جمهوریت تیزیمینینگ قدریتلری و یوتوقلرینی نه فقط افغانستان خلقی، بلکه خلق ارا همجمعیت و افغانستاننینگ اتفاقچیلری هم قۉللب-قُوَّتلهیاتگنینی تأکیدلدی.
شونینگدېک، او اشتراکچیلرنینگ ۶۴ فایضی مدافعه و خوفسیزلیک توزیلمهلرینی حمایه قیلیش افغانستان اسلام جمهوریتینینگ استوار یۉنهلیشلریدن بیری اېکنلیگینی و هیچ بیر وطنسیور افغانستانلیک اۉتمیشدهگی خطالرنی تکرارلماقچی اېمسلیگینی اَیتدی.
جناب نادری، سۉراوده قتنشگنلرنینگ ۶۷ فایضی مذاکرهلر کون ترتیبیده اوروش قربانلری حقوقلرینی عملگه آشیریلیشی کیریتیلیشینی قۉللب-قُوَّتلهگنلیگینی تأکیدلب، اوروش قربانلرینینگ حقوقلرینی حمایه قیلیش و اولرنی تینچلیک جریانیگه قۉشیلیشی و اشتراک اېتیشی اوچون زمین یرهتیشنی افغانستان اسلام جمهوریتینینگ اساسي استوار وظیفهلریدن بیری اېکنلیگینی اَیتدی و تینچلیک بۉییچه دولت وزیرلیگی بو ارادهنینگ اصلي و جدي حمایهچیسیدیر، دېدی. اونینگ سۉزلریگه کۉره، دولت اوشبو قانوني طلبنی قۉللب-قُوَّتلشدن تشقری، ملّي و خلق ارا مؤسسهلر بیلن اوروش قربانلری وکیللرینینگ مذاکرهلر میزیگه باریشیگه کۉمکلشیش اوستیده ایش آلیب بارهدی و حتّاکه قرشی تامانگه هم بو باره ده حرکت قیلیشینی تکلیف قیلهدی.
تأکیدلش جایزکه، تشکیلاتچیلرنینگ اَیتیشیگه کۉره، اوشبو سۉراوده ۸۶۰۰ دن آرتیق کیشی بیلن صحبت اۉتکزیلگن، اولرنینگ ۵۳ فایضی قیشلاق اهالیسی و ۴۷ فایضی اېسه مملکت شهرلری اهالیسیدن بۉلگنلر.
