تینچلیک بۉییچه دولت وزیری ناتوگه اعضا دولتلرنینگ مخصوص وکیللری بیلن افغانستان اسلام جمهوریتی مذاکرهلر هیأتینینگ آنلاین ییغیلیشیده قتنشووی
تینچلیک ایشلری بۉییچه دولت وزیری و افغانستان اسلام جمهوریتی مذاکرهلر هیأتینینگ عضوی سید سعادت منصور نادری، اروپا تینچلیک انستیتوتی قتنشوویده افغانستان اسلام جمهوریتی مذاکرهلر هیأتی و ناتوگه اعضا دولتلر مخصوص وکیللری ارا تشکیل اېتیلگن آنلاین ییغیلیشده اشتراک اېتدی.
افغانستان اسلام جمهوریتی مذاکرهلر هیأتی رئیسی محمد معصوم ستانکزی، هیأت اعضالری عبدالسلام رحیمی، فوزیه کوفی، احمد نادر نادری، محمد ناطقی، عبدالمتین بیک و کلیم الله نقیبی هم اوشبو ییغیلیشده اشتراک اېتیب، افغانستان تینچلیک مذاکرهلرینینگ حاضرگی وضعیتی حقیده فکر المشدیلر.
قتنشچیلر زۉرهوانلیکنی کمهیتیریش آتش کېسیم اۉرنهتیش اوچون زمینه تیارلش و افغانستاندن خارجی کوچلرنی مسؤولیتلی روشده آلیب چیقیش و دوحه کېلیشووینی قَیته کۉریب چیقیش مسألهلری تۉغریسیده بحثلشدیلر.
ناتوگه اعضا دولتلرنینگ مخصوص وکیللری تینچلیک بۉییچه دولت وزیری اداره رئیسینی تاشووچی موترگه اویوشتیریلیگن بوگونگی هجومنی قارهلب، حاضرگی زۉرهوانلیک درجهسی، اینیقسه مدنی جماعهچیلیک اعضالری، عیاللر، عاموي اخبار واسطهلری خادملری و تینچ اهالینینگ نشانگه آلیش قبول قیلینیشی ممکن اېمسلیگینی اَیتدیلر.
عین پیتده افغانستان اسلام جمهوریتینینگ مذاکرهلر هیأتی اعضالری زۉرهوانلیکنینگ مذاکرهلر اوچون سلبی تأثیر بارلیگنی اَیتیب، مدني جماعهچیلیک و جمعیتنینگ تورلی قتلملری آوازلری تینچلیک جریانینی ایلگری سوریشده ثمرهلی بۉلیشی و اونینگ سقلنیشینی تأکیدلدیلر.
اولر مذاکرهلر جریانینی قۉللب-قُوَّتلش و زۉرهوانلیکنی تۉختهتیشگه قرهتیلگن خلق ارا بیرگهلیکدهگی سعی-حرکتلرنی دوام اېتتیریشگه چقیردیلر و فکرلرنینگ بیر-بیریگه ماس کېلیشی جریاننینگ رواجلنیشگه آلیب کېلهدی و اسلام دنیاسینینگ حاضرگی اوروشنینگ ناقانونی و نامشروعلیگی توغریسیدهگی پیاملری حسابگه آلینیشی کېرهکلیگینی ایتدیلر.
