تینچلیک بۉییچه دولت وزیرلیگی تاماندین «تینچلیک ادبیاتی» بیرینچی ییغیلیشی‌نینگ‌ اۉتکزیلیشی

a.zia
Wed, Dec 02 2020 2:15 PM
SMP

«تینچلیک ادبیاتی» تورکومی‌نینگ بیرینچی ییغیلیشی، تینچلیک ایشلری بۉییچه دولت وزیرلیگی‌ تامانیدن وزیرلیک متصدیلری و قطار شاعرلر و یازووچیلر اشتراکیده بۉلیب اۉتدی.
ییغیلیش باشلنیشیده، تینچلیک بۉییچه دولت وزیرلیگی‌نینگ موافقلشتیریش، سیاست و استراتیژی ایشلری بۉییچه اۉرین باسری عبدالله خنجانی، «تینچلیک ادبیاتی» ییغیلیشلرینی اۉتکزیشدن کوزه‌تیلگن  مقصدنی ایضاحله‌دی. او، تینچلیک ایشلری بۉییچه دولت وزیرلیگی‌نینگ اوشبو دستورلری، خلق‌نینگ تینچلیککه اېگه چیقیشینی کوچه‌یتیریش و اولرنی تینچلیک جریانیگه جلب اېتیش اوچون آلیب باره ‌دیگن سعی و حرکتلریدن بۉلگنینی اَیتدی.
جناب خنجانی، شعر و ادبیات‌نینگ انسانلر آنگیگه تأثیری اوستیده تۉخته‌لیب، دینی تعلیماتدن سۉنگ شعر و ادبیات جماعت آنگیگه کتّه تأثیر کۉرستگنینی و بو باره ده شاعرلرنینگ اولکن رۉلی بارلیگی حقیده سۉز یوریتدی. او، زۉره‌وانلیکلرنینگ بیر قسمینی سۉزلشوو ادبیاتیگه تېگیشلی بۉلگنینی قید اېتیب، «بیز تینچلیک مسأله‌سی یېچیمی اوچون، ثمره‌لی ادبیات یره‌ته آلیش یۉلینی ایزلشیمیز کېره‌ک» دېدی. 
تینچلیک بۉییچه دولت وزیرلیگی‌نینگ انسان حقوقلری و مدني جماعه‌چیلیک ایشلری بۉییچه اۉرین باسری داکتر عالمه‌نینگ تأکیدلشیچه، نزاعلرنی حل قیلیش مسأله‌سی فقط سیاسی اوچره‌شوولر بیلن چیکلنیب قالمسلیگی کېره‌ک، معنوي آزوقلنیش کبی باشقه استوار یۉنه‌لیشلرنی هم حسابگه آلینیشی لازم. افسوس که، مملکت عاموِي اخبار واسطه‌لریده اۉزیگه دقّت چېکه‌دیگن نرسه اوروش و نزاعلر، اما بیز تینچلیک تۉغریسیده فکري محصول یره‌تیب، شعر و ادبیات آرقه‌لی تینچلیکنی ترغیب قیلیشیمیز کېره‌ک»، دېدی.   
داکتر عالمه‌، تینچلیک ایشلری بۉییچه دولت وزیرلیگی‌نینگ سیاست بۉلیمی، اوشبو مسأله بۉییچه ایش باشله‌گنینی تأکیدلب، بیلیم یورتلری استادلری، شاعرلر و ادیبلردن بو یۉلده اۉز بورچلرینی  بیرلیکده بجریشلری اوچون همکارلیکلرینی ایسته‌گنلیگینی اَیتدی.
اوشبو ییغیلیش دوامیده، لعل پاچا آزمون پشتو ادبیاتیده، قنبرعلی تابش حاضرگی زمان فارس ادبیاتیده و محمدعالم کوهکن اېسه اۉزبېک شعریتیده تینچلیک اۉرنی باره سیده سۉز یوریتدیلر. اوشبو معروضه‌چیلرنینگ تأکیدلشیچه، مملکت‌نینگ اوچته جانلی تیلی ادبیاتیده تینچلیک‌نینگ نمایان بۉلیشی  ینگیلیک بۉلمه‌ی، بلکه ادبیاتده تینچلیک مسأله‌لرینی ایزلب یوریش هم شرط اېمس، چونکه ادبیات نینگ اۉزی تینچلیکدیر، اگر بعضاً، یازووچیلر اوروش مسأله‌‌سیدن سۉز آچگن بۉلسه‌لرهم، اولرنینگ تشویشی تینچلیکدن باشقه نرسه اېمس.
اولر، شاعر و یازووچیلر قهرمانلیکلر، فداکارلیکلر و حادثه‌لرنینگ انسانی کۉرینشینی تصویرلشنی اۉزلری‌نینگ بورچلری دېب بیلییشلرینی تأکیدلدیلر.
مذکور معروضه‌چیلرنینگ سۉزلریگه کۉره، بیز شعریتنی، ادبیاتنی و باشقه صنعتلرنی قیسی درجه‌ده ترغیب قیله‌آلسک، تینچلیک هم اوشه پیمانه ده ترغیب اېتیله‌دی. اولر، تیزیملی عدالت و انساني قانون موجود بۉلگن، تعلیمي، مفکوروي و مدني زوره‌وانلیکلردن خالی جمعیتده برقرار تینچلیک بؤله‌آلیشینی اورغوله‌دیلر.
احمد ضیا رفعت افغانستانده‌ تینچلیک حقیده‌گی ادبیات‌نینگ معمالرینی کۉریب چیقدی. اونگه کۉره، اوشبو معمالردن بیری اۉز ایچیده اکستریمیستیک (افراطیلیک) فکرلشنی رواجلنتیرگن اجتماعی تفکر بولیب، بو خیل فکرلش مدنیت و ادبیاتگه ضددیر.  
شونینگدیک، سرو رسا رفیع‌زاده خانیم، عرفاني ادبیات‌نینگ تینچ وتاتوو یششده‌گی اۉرنی و رۉلی حقیده تۉخته‌لیب، اسلامده عرفان اهلی، آچیق و کۉپچیلیکچی (plyuralistik) قره‌شگه اېگه،  باشقه تاماندن اولر ایچکی تینچلیککه کۉپراق اعتبار بېریشلرینی، بو اېسه عرفان و تصوف ادبیاتیده اۉز-اۉزینی تکامللشتیریش، اوروش و نزاعلردن اوزاق سقلنیشگه سبب بۉلگنینی، اَیتدی.
کۉنگیل آچر ادبیات‌نینگ جماعت آنگیده توتگن اۉرنی نجیب الله منل‌نینگ صحبت موضوعسی ایدی. او، بو باره‌ده عاموی اخبار واسطه‌لری‌نینگ رۉلینی تأکیدلب، «افسوس‌ که، عاموی اخبار واسطه‌لری اوروش و زۉره‌وانلیک حقیده‌گی خبرلرگه همه نرسه‌دن کۉره کۉپراق اعتبار بېریشه‌دی؛ اولر اۉز دستورلرینی جماعت احتیاجلریگه ماسلشتیریب توزیشی و اۉقیتووچی رۉلینی بجریشی کېره‌ک، دېدی.  
«تینچلیک ادبیاتی» بیرینچی دستوری‌نینگ ییغیلیشیده، مملکت‌نینگ بیر قطار شاعره وشاعرلری، جمله‌دن خالده تحسین، مجیب مهرداد، فروزان کریمی، صدیقه افضلی، سید جیلانی جلان، شایان فریور، سید بهادر واصفی و سید ظاهر موسوی اوز شعرلرینی اۉقیدیلر.
اَیتیش لازم که ادبي تورکوم دوامیده تینچلیک ایشلری بۉییچه دولت وزیرلیگی تامانیدن باشقه مدني و بدیعي دستورلر هم اۉتکزیله دی.

داوطلبۍ

Thu, Feb 25 2021 1:42 PM
Background image

صلح بوییچه دولت وزراتی نینگ عیاللرگه زوره وانلیک آلدینی آلیش کمیته اعضاسی تانیشتیریلدیلر

صلح بوییچه دولت وزیری سید سعادت منصور نادری، او وزرات نینگ مدنی جامعه و بشر حقلری بوییچه معینی دوکتور عالمه، اداری و حمایوی معینی غلام یحیی عباسی، ارشد مشاورلر، بو وزرات نینک رییسلر و. . .

Tue, Feb 23 2021 3:37 PM
Background image

عیاللر نینگ معنادار حضوری بولمه گنده صلح تامین بولمه یدی


افغانستان صلح دیالوگ انلاین اولتیریشده صلح بوییچه دولت وزراتی مدنی جامعه و بشر حقلری بوییچه ایشلری معینی دوکتور عالمه حضوری بیلن اولتیریشده صلح روندی ده عیاللر سهمی نی تاکید قیلیب. . .

Tue, Feb 23 2021 1:51 PM
Background image

صلح ایشلری بوییچه دولت وزراتی تمانیدن ییتکرمه لرگه صلح نی اورگه تیش برنامه سی نینگ آچیلیشی

ییتکرمه لرگه صلح نی اورگه تیش برنامه سی صلح ایشلری بوییچه دولت وزیری سید سعادت منصور نادری، او وزرات نینگ پالیسی هماهنگی و استراتیژی معینی عبدالله خنجانی، مذاکره قیلووچی هیئت عضوی محمد. . .

BACK TO NEWS