تینچلیک بۉییچه دولت وزیرلیگینینگ اندونیزیا، تورکیه اېلچیلری و اسلام همکارلیک کنفرانسی وکیلی بیلن اوچرهشووی
تینچلیک بۉییچه دولت وزیری و افغانستان اسلام جمهوریتی مذاکرهلر هیأتی عضوی سید سعادت منصور نادری، تورکیه اېلچیسی اوغوز خان اېر توغرول، اندونیزیا اېلچیسی عارف رحمان و اسلام همکارلیک کنفرانسینینگ دایمي وکیلی حسین اونی بوتسالی بیلن اوچرهشدی.
اوچرهشوو دوامیده تینچلیک بۉییچه دولت وزیری، افغانستان تینچلیک جریانیده اسلام اولکهلرینینگ کتّه رولی بارلیگینی تأکیدلب، تورکیهنینگ افغانستان بیلن همکارلیگی و تینچلیک جریانینی قۉللب-قُوَّتلشگه تیارلیگی، اسلام همکارلیک کنفرانسیگه اعضا مملکتلر تشقی ایشلر وزیرلرینینگ قیرق یېتّینچی ییغیلیشیده قبول قیلینگن قرارده افغانستانده تینچلیک جریانینی هرتامانلمه حمایهقیلینگنیدن قدرانلیک بیلدیردی.
جناب اېرتوغرول منطقوی کېلیشوو و موافقلیک ضرورلیگینی و شو مقصدده موجود فلاتفورملرنی فعاللشتیریشگه تورکیهنینگ قیزیقیشینی تأکیدلدی.
شونینگدېک جناب بوستالی، اسلام همکارلیک کنفرانسینینگ افغانستانده تینچلیک جریانینی قۉللب-قُوَّتلش اوچون اسلام دنیاسینی سفربر قیلیشگه تیارلیگیگه ایشانچ بېردی.
تینچلیک بۉییچه دولت وزیری، شونینگدېک، اندونیزیا «بېشلیک» گروهیدهگی مهم رۉلی حقیده بحث قیلیب، اندونیزیانی افغانستان تینچلیک جریانینی قۉللب-قُوَّتلش اوچون اسلام دنیاسیدهگی دیني علمالرنی سفربر قیلیشده رۉل اۉینشگه چقیردی.
اوندن کیین جناب عارف رحمان اندونیزیا تامانیدن بو باره ده کنفرانس اۉتکزیشگه تیارگرلیگینی اعلان قیلدی.
