تینچلیک ایشلری بوییچه دولت وزیری ناتو ملکی ارشد نمایندهسی بیلن اوچره شدی
تینچلیک ایشلری بوییچه دولت وزیری سید سعادت منصور نادری افغانستاندهگی ناتو ملکی ارشد نمایندهسی استیفانو پونتیکورو بیلن اوچرهشدی.
بو اوچره شوو ده ناتو نینگ افغانستان تینچلیک پروسه سی جریانی نینگ حمایتی، دوحه ده صلح مذاکراتی روندی نینگ قندهیلیگی، ناتوده عضو بولگن اولکه لر دفاع وزیرلری نینگ کیله جک ده اولتیریشلری، زوره وانلیکلرنی توخته تیش کیرهکلیگی و آتیش کیسین برقرارلیگی توغریسیده فکر المشتریلدی.
اوتگن کونلرده ناتو نینگ یاردملریدن منتدارلیک قیلگن سید سعادت منصور نادری، بو سازمان نینگ رولینی افغانستان تینچیلیک پروسه سی ایلگری کیتیشی اوچون کوپ مهم بیلدی.
ناتوده عضو بولگن اولکه لر دفاع وزیرلری نینگ کیله جک اولتیریشی حقیده اشاره قیلگن صلح ایشلری بوییچه دولت وزیری گه کوره، ایریم مقطع لرده افغانستان خلق ارا همکارلیکلری بیلن مشترک موضوعلری اوستیده توختهتش، مذاکره پروسهسی نینگ یوتوقلیگی گه سبب بوله دیگن عامل لردن بیری دیر، دیگن.
همده او، صلح بوییچه ملی ییغین نینگ یره تیلیشی و سیاسی کیشیلر نظرلری نینگ آلینیشی حقیده تینچلیک ایشلری بوییچه دولت وزاتی رولی توغریسیده هم معلومات بیردی.
افعانستان تینچلیک پروسه سی حقیده اوز فکرینی بیلدیرگن ناتو ملکی ارشد نماینده سی، ایچکی اجماع نی بو پروسه ده کوپ مهم بیلدی.
حرمتلی پونتیکورو افغانستان تینچلیگی پروسه سی توغریسیده ناتو نینگ تعهدلری حقیده سوزلب، اونی دواملی دیگن. اونگه کوره، بو پیتده زوره وانلیک نینگ توخته تیلیشی و آتیش کیسین نینگ کیره کلیگینی مهم دیدی.
