تینچلیک ایشلری بوییچه دولت وزیری: جامعه ایچیدن چیققن سیس و مذاکره قیلوچی اورته لریده بیرگه لیک و هماهنگلیک مسله سی، تینچلیک جریانی نینگ یوتوقلیگی نی تضمین ایته دی.
"افغانستان صلح پروسه سی: یوتوقلیکلر، قیینچلیکلر و ایستکلر" عنوانی آستیده بولیب اوتگن ملی کنفرانسی نینگ اداغیده صلح ایشلری بوییچه دولت وزیری سید سعادت منصور نادری ایتدی: ایککی دهه نینگ یوتوقلرینی سقلشده بیرگه بولیش و جامعه ایچیدن کوتاریلگن سیسلر بیلن صلح مذاکره قیلوچی اورته لریده همنوالیک نی ایجاد ایتیش، بو عرصه ده بیزنینگ یوتوقلیگیمیزگه سبب بوله دی.
کابل سرینا هوتلی ده "امنیت و تینچلیک اوچون عیاللر ابتکاری" تمانیدن بولیب اوتگن بو کنفرانس نینگ اشتراکچیلری؛ ایش گروهی شکلده بو پروسه نینگ قیینچیلیکلری، یوتوقلری و نهادلر نینگ تاثیری قنده یلیگی نی حقیده سوزلشدیلر و سونگی چاغده تینچلیک پروسه سی همه شمول لیگی، ملی مصالحه عالی شوراسی و جهانی جامعه لر کوره شی همده ایریم سکتورلر دن عیاللرنینگ حضوری و صلح بوییچه موضوعلری اوچون ایککی پنل هم اوتکزیلدی.
بو کنفرانس نینگ اداغیده صلح ایشلری بوییچه دولت وزیری اوزی نینگ سوزلریده؛ افغانستان صلح مذاکره سی نینگ یوقاریلیک و قوییلیک مسله سی نی اولچب بولیشی اوچون قدردانلیک بیلدیرگن بولسه هم، بو تاریخ مقطع ده اسلامی و انسانی ارزشلرنی نهادینه قیلیشده یشاوچیلر اساسی حقوقی مدافعه سی حرکتلری و مدنی جامعه نهادی جمله دن عیاللرنینگ نقشی نی اوته مهم بیلگن.
او جامعه ایچیدن تشکیل تاپیلگن نهادلرنی آلقیشلب، ایتدی که" امنیت و صلح اوچون عیاللر نینگ ابتکاری" صلح ایشلری بوییچه دولت وزراتی اساسی هدفلری بیلن همجهت بولیب، بولرنینگ ایشلری عین شمولیت دیک و وزرات اساسی اولویتلری صلح روندی اوچون بولرنینگ معنادار حضورلری دن دلالت بیره دی.
خلق ارالیک علمی تحقیق حقیده سوزله گن سید سعادت منصور نادری ایتدی: تینچلیک پروسه سی نینگ بیر بولیمی نی عیال لر حقوقی نهادلری و مدنی جامعه گروه لری تشکیل بیرگن پیتده؛ توافق لرنینگ سینیشی ۶۴ فاییز دیر. همده صلح پروسه سیده عیال لر امضا قیلوچی، شاهد، مذاکره قیلوچی و میانجی عنوانیده شامل بولسه لر، حاصل بولگن توافق نینگ دواملیگی ۳۵ فاییزدن کوره کوپراق دیر دیدی او.
صلح ایشلری بوییچه دولت وزیری؛ مدنی نهادلرنینگ فعالیتی و عیاللر خقوقی عرصه سیده فعال بولگنلرنینگ تسهیلی و زمینه یره تیشی بو وزرات نینگ بورچلریدن دیر دیگن.
همده او ملی مصالحه عالی شوراسیده عیال لر ایشلری بوییچه کمیسیون توزه لیشینی صلح ساختاری و اولرنینگ نطرلرینی الیشده کتته یوتوق و مناسب فرصت بیلگندن سونگ عیال لرنینگ معنادار اشتراکی دیب تیلگه آلدی.
نادری جنابلری ایچکی، منطقه لیک و تشقری لیک ملی اجماع و اسلام جهانیده بیرگه لیک فکرینی اوستیگه تاکیدلب، افغانستان نینگ بوکونگی بحرانی نی و سیاسی ایستکلرینی نظامی یول بیلن تفاهم سیز و گپلشسیز بیلن قولگه کیریتیش ناممکن دیگن. او ایتدی که برچه درک قیلگن دیر بحران نینگ ختمی و اوروش نینگ یوقلیگی یالعیزگینه صلح مذاکره سینی ایلگری آلیب باریش و مذاکره میزی گه حاضر بولیش دیگن.
بو کنفرانسده افغانستان اوچون اروپا بیرلیگی ویژه ایلچیسی کوبیا رولاند، ناتو ملکی نماینده سی استفانو پونته کوروو، هالند شاهی اولکه سی ایلچیسی گاسیلیا تیودورا ماریا، انگلیستان ایچلیسی الیسون بلیک، عیاللر نی کوچ گه آلیب کیلیش و جنسیتی تینگلیک اوچون بیرلشگن ملت لر تشکیلاتی نماینده سی التا میلر، کورداید رییسی جاپ وان هیردن، ملی مصالحه عالی شوراسی رهبرلیک عضولری نجیبه ایوبی و فریده مومند، عیالر ایشلری بوییچه وزیری حسینه صافی، خلق ارالیک روابطی و بشر حقوقی ایشلری بوییچه ایسکی وزیری داکتر سیما سمر، افغانستان اسلامی جمهوریتی مذاکره قیلوچی هیئتی عضوی فاطمه گیلانی و ملی شورا جرگه اولسی عضوی نیلوفر ابراهیمی لر هم اوز نوبتیده سوزگه چیققنلر.
بولر ایسه صلح پروسه سی کمچلیکلری و یوتوقلری، صلح بوییچه عیاللردن آرقه داشلیک قیلیش، ایریم سکتورلردن صلح پروسه سیده عیاللرنینگ حضوری، صلح نینگ یوتوقلیگی و همه شموللیگی اوچون جهانی جامعه و ملی مصالحه عالی شوراسی نینگ ایش و کوره شلری توغریسیده سوزلب اوتدیلر.
ایتیش کیره ک که " امنیت و صلح اوچون عیال لر نینگ ابتکاری" گپی امنیت نی تامینلش و صلح پروسه سیده عیال لرنینگ نقشی و اشتراکی اوچون ۱۵ نهادنینگ بیرگه لیک سیسلری نتیجه سی آرقه لی مرکز و ولایتلرده ایجاد بولگن دیر.
