تینچلیک ایشلری بوییچه دولت وزیرینینگ عاموی اخبار واسطهلری بیر قطار تحلیلچیلری و متخصصلری بیلن اوچرهشوی
تینچلیک ایشلری بوییچه دولت وزیری و افغانستان اسلام جمهوریتی مذاکره هیأتینینگ عضوی سید سعادت منصور نادری بوگون مذکور وزیرلیک سالونیده تینچلیک ساحه بۉییچه بیر قطار تنیقلی عاموی اخبار تحلیلچیلری و متخصصلری بیلن اوچرهشدی.
اوچرهشووده تینچلیک بۉییچه دولت وزیری، تینچلیک تۉغریسیده آلیب باریلهیاتگن مذاکرهلردهگی آلغه سیلجیشلر حقیده معلومات بېردی. تینچلیک اوچون دولت وزیرلیگینینگ فعالیتیگه تۉختهلیب، جناب نادری اوشبو وزیرلیک خلق و تینچلیک توزیلمهلری اۉرتهسیدهگی باغلنیش نقطهسیدیر و بیز خلق بیلن، مذاکرهلرنی آلیب بارووچی گروه و دولت اۉرتهسیده دایمی علاقهلرنی سقلشگه حرکت قیلماقدهمیز، دېدی. جناب نادری، تینچلیک ساحهسیده متخصصلرنینگ رۉلینی علیحده تأکیدلب، اوشبو جریانگه ضیالیلر و متخصصلرنی جلب قیلیش و اولرنینگ مضمونلی اشتراک اېتیشی بۉییچه تینچلیک وزیرلیگینینگ کانستروکتیف (توزووچی، سازنده) تشبثلری و رېجهلری حقیده سۉزلب بیردی.
قتنشووچیلر، شونینگدېک، تینچلیک جریانینینگ تورلی تامانلری تۉغریسیده به تفصیل فکرلرینی اۉرتاقلشدیلر. اولر، مملکتنینگ عالي منفعتلری و انسان اساسي حقوقلریگه موافق روشده اېریشیلگن یوتوقلر و اېرکینلیکلرنی سقلش یۉلیده حرکت قیلیش کېرهکلیگینی تأکیدلدیلر.
اشتراکچیلر، شونینگدېک دولت و ملت یقینلشووینی یخشیلش بۉییچه تکلیفلر بېردیلر. اولر بعضی بیر قوریلمهلر، شو جملهدن تدقیقات مرکزلرینینگ شکللنیشینی، اهالی و تنلنگن شخصلر (نخبهلر) فکرینی آلیش اصوللریدن بیری دېب اتشدی. قتنشووچیلر، شونینگدېک، بو کبی اوچرهشوولر دواملی بۉلیشینی تأکیدلدیلر.
اوچرهشوونی یکونلر اېکن، تینچلیک ایشلری وزیرلیگینینگ موافقلشتیریش، سیاست و ستراتیژی بۉییچه اۉرین باسری عبدالله خنجانی، تینچلیکنی ستراتیژیک تدقیق قیلینیشینی مهم دېب اتهدی و اونینگ، وزیرلیکنینگ کانستروکتیف اصلاحاتی جملهسیده کۉزده توتیلگنلیگینی اَیتدی. شونینگدېک، او باشقه تکلیفلر قبول قیلینگنلیگینی و اولر اوستیده ایش آلیب باریلیشینی اورغولهدی.
جناب خنجانی، بوندهی اوچرهشوولرنینگ دوام ایتیشینی تأکیدلب، کېلگوسی اوچرهشوولرده تکلیفلر بهتفصیل بحثگه آلینیشینی اَیتدی.
