تینچلیک اوچون موافقلشتیریش بویوک کمیتهسی تۉرتینچی ییغیلیشینینگ اۉتکزیلیشی
تینچلیک ایشلرینی موافقلشتیریش بویوک کمیتهسینینگ تۉرتینچی ییغیلیشی افغانستان اسلام جمهوریتی تینچلیک ایشلری بۉییچه دولت وزیری و تینچلیک مذاکرهلری هیأتی عضوی سید سعادت منصور نادری باشچیلیگیده اۉتکزیلدی.
تینچلیک بۉییچه دولت وزیری دستلب تینچلیک جریانیدهگی سۉنگگی اۉزگریشلر، جملهدن مذاکرهلر ترتیبی تۉغریسیدهگی بیتیمنی یکونلش و یرهشوو کېنگشی عالی کمیتهسینی توزیش بۉییچه ینگی معلوماتنی تقدیم اېتدی. جناب نادری مذاکرهلر دستور و یۉریغی بۉییچه کېلیشوو مهم قدم بۉلگنی و تینچلیک جریانیدهگی ینگی باسقیچنینگ باشلنیشی اېکنلیگینی اېتدی.
او، شونینگدېک، ملّي یرهشوو بۉییچه عالی کېنگش رهبرلیک کمیتهسینینگ فعالیتگه باشلگنینی افغانستان خلقی اوچون مژده بېرووچی دېب اتهدی و اوشبو کمیتهنینگ تشکیل اېتیلیشی و آچیلیشی تینچلیک جریانی و افغانستان خلقی ملّي منفعتلری توغریسیده سیاسي کېلیشوو موافقلیک بارلیگینینگ بېلگیسی بۉلگنینی تأکیدلدی.
اوچرهشووده تینچلیک بۉییچه موافقلشتیروو بویوک کمیتهسینینگ اعضالری تینچلیک جریانینی و تینچلیک اوچون موافقلشتیروو کمیتهسینینگ تینچلیک جریانی دستورلرینی اېلگری سوریشده قندهی رۉل اۉینشی حقیده سۉز یوریتدیلر.
اَیتیب اۉتیش لازم که، تینچلیک ایشلرینی موافقلشتیریش بویوک کمیتهسی جمهور رئیسلیک عالی مقامینینگ بویروغی اساسیده، تینچلیک دستورلرینی موافقلشتیریلگن و بیرلشتیریلگن حالده عملگه آشیریش اوچون، دولتگه عاید تشکیلاتنینگ بیرلشوویدن تأسیس اېتیلگن، کمیتهنینگ رهبرلیک و کاتبلیگی تینچلیک بۉییچه دولت وزیرلیگی ذمهسیگه قۉییلگن.
