اوروش قربانلری کمیتهسینی تشکیل اېتیش بۉییچه موافقلشتیریش ییغیلیشی بۉلیب اۉتدی
تینچلیک ایشلری بۉییچه دولت وزیرینینگ انسان حقوقلری و مدني همجمعیت توزیلمهلری بۉییچه اۉرین باسری داکتر عالمه، اوروش قربانلری حقوقلری ساحهسیده فعالیت آلیب بارووچی مؤسسهلرنینگ بیر قطار وکیللری اشتراکیده اوروش قربانلری کمیتهسینی تکشیل اېتیش اوچون موافقلشتیریش ییغیلیشی بۉلیب اۉتدی.
ییغیلیش باشیده داکتر عالمه، تینچلیک بۉییچه دولت وزیرلیگینینگ اوروش قربانلری بیلن اوّلگی اوچرهشوولری تۉغریسیده معلومات بېردی و اوروش قربانلرینینگ التماسیگه بناءً اوروش قربانلری وکیللرینی همجهتلشتیریش و تینچلیک جریانیده اولرنینگ آوازلرینی اېشیتتیریش اوچون کمیته توزیلیشی کېرهکلیگینی اَیتدی.
اونینگ سۉزلریگه کۉره، تینچلیک بۉییچه دولت وزیرلیگی اوروش قربانلری حقوقلری ساحهسیده فعالیت آلیب بارووچی مؤسسهلر تکلیفلری اساسیده، اوروش قربانلری تامانیدن تینچلیک جریانیده یگانه آواز یرهتیش اوچون اوشبو کمیتهنی تشکیل اېتهدی.
او تینچلیک کېلیشوولری پیتیده و اوندن کیین اوروش قربانلری حقوقلرینی عملگه آشیریش و حمایه قیلیش بۉییچه بیرگهلیکده ایشلش اوچون کمیته تشکیل اېتیش مهملیگینی تأکیدلدی و تینچلیک ایشلری بۉییچه دولت وزیرلیگی کمیته ایشلرینی آسانلشتیریشده همکارلیک قیلیشینی اَیتدی.
شوندن سۉنگ، اوروش قربانلرینی حمایه قیلووچی تشکیلاتلر وکیللری کمیته توزیلیشی خصوصیده اوز تکلیفلرینی بیلدیردیلر.
ییغیلش قتنشچیلری بوندهی کمیتهنی تشکیل اېتیشنی اوروش قربانلرینی تینچلیک جریانیگه جلب قیلیش و اولرنینگ تینچلیک مذاکرهلریده اشتراک اېتیشی اوچون مهم دېب اتهدیلر و اوشبو کمیته قمراوچی بۉلیشی و اوروش قربانلری حقوقلری ساحهسیده فعال بۉلگن برچه مؤسسهلرنینگ اونگه قۉشیلیش زمینی تأمینلشی کېرهکلیگینی تأکیدلدیلر.
شونینگدیک، اولر مدني همجمعیتنینگ بیر قطار متخصصلری و فعاللری اوشبو کمیتهده بۉلیشی کېرهگلیگی و کمیته تشکیل اېتیلیشی بیلن پراکنده فعالیتلر موافقلشتیریلیشی ضرورلیگینی تأکیدلدیلر.
ییغیلیش یکونیده اوروش قربانلری حقوقلرینی حمایه قیلیش ساحهسیده فعال بۉلگن برچه مؤسسهلر اشتراکیده ییغیلیش اۉتکزیشگه و اوشبو کمیتهنی تشکیل اېتیش تۉغریسیده مصلحتلشیش و بحث آلیب باریشگه قرار قیلیندی.
