اوروش قربانلری حقوقیدن دادخواهی لیک قیلیش ملی کمیته سی نینگ ایش میکانیزمی تصویب بولدی.
تینچلیک ایشلری بوییچه دولت وزراتی نینگ کنفرانسلر تالاریده بولیب اوتگن بیر اولتیریشده، صلح ایشلری بوییچه دولت وزراتی مدنی جامعه و بشر حقوقی ایشلری بوییچه معاونی دکتور عالمه نینگ حضوری و اوروش قربانلری حقوقی دن دادخواهی لیک قیلیش ملی کمیته سی نینگ اعضالری اشتراکی بیلن بو کمیته نینگ ایش میکانیزمی تصویب بولدی.
اولتیریش باشله نیشیده؛ مدنی جامعه نهادلری و سیاسی تشکیل لری نینگ رییسی لیلا جعفری، اوروش قربانلری حقوقیدن دادخواهیلیک قیلیش ملی کمیته سی ایش میکانیزمی نینگ تدوینی اوچون کمیته اعضاسیدن منتدارلیک بیلدیردی.
اونگه کوره؛ مذکور میکانیزم ده ایلگری اوتگن اولتیریشلرده ارایه بولگن نظرلر سیغدیریلگن دیر و بو اولتیریش اونی قیته دن اوقیش و تصویبی اوچون کمیته اعضاسی تمانیدن آلینگن دیر، دیگن.
خانم جعفری ایتدی که بو میکانیزم؛ صلح روندی رهبری مقاماتلری گه اوروش قربانلری عایله لری و معلول لر نینگ سیسلری نی ییتیشتیریش اوچون یخشیگینه بیر بنیاد دیر، دیگن.
بو اولتیریشده؛ کمیته اعضاسی نینگ بیرته سی؛ تدوین بولگن میکانیزم نی اوقیگندن سونگ کمیته نینگ باشقه اعضالری نظرلر و ایستکلرینی ایتدیلر.
بو میکانیزم نی یره تگن کمیته اعضالری دن منتدارلیک بیلدیرگن صلح بوییچه ایشلری دولت وزراتی نینگ مدنی جامعه و بشر حقوقی ایشلری معاونی دوکتور عالمه ایتدی که بو میکانیزم آچیق میکانیزم بولگن شونگه کوره کیره ک بولگنده کیله جک کونلرده یخشی توزه تیش اوچون قبول لیک هم بار، دیدیلر.
او ایتدی که تینچلیک بوییچه ایشلری دولت وزراتی زمینه یره تیش، مشوره بیریش و اوروش قربانلری حقوقیدن دادخواهی لیک قیلیش ملی کمیته سیگه یاردمچی بوله دی، دیدی.
مذاکره جریانی ده اوروش قربانلری عایله لری نینگ نظرلری نی آلیش، اولرنینگ حقلرینی سقلش و حقلری گه ییتیشتیریش صلح توافقی دن هم سونگ بو کمیته نینگ مهم ایشلریدن سنه له دی دیب ایتدی دوکتور عالمه.
اوروش قربانلری حقوقی دن دادخواهیلیک قیلیش ملی کمیته سی نینگ میکانیزمی، آوازلرگه کوره تصویب بولدی. همده اون اوچ کیشی بو کمیته نینگ عضوی صفتیده تعین بولدیلر.
ایتیش کیره ک که اوروش قربانلری حقوقیدن دادخواهیلیک قیلیش ملی کمیته سی ۱۳۹۹ ییلی جدی آیی نینگ ۳نچیسیده اوروش قربانلری و معلول لر حقوقی حامیسی بولگن نهادلر ایریم مسووللری حضوری بیلن تشکیل بولگن و حاضر ایسه ۳۴ ولایت ده بو کیمته کینگه یماقده دیر.
