«آتش کېسیم اوچون عکسلر» کۉرگزمهسی اۉتکزیلدی
تینچلیک ایشلری بۉییچه دولت وزیرلیگیده بیر قطار تنیقلی عکاسلر، رساملر، صنعتکارلر و عاموي اخبار واسطهلرینینگ اشتراکیده «آتش کېسیم اوچون عکسلر» دېب ناملنگن بیر کونلیک کۉرگزمه بۉلیب اۉتدی.
تینچلیک وزیرینینگ موافقلشتیریش، سیاست و استراتیژی بۉییچه اۉرین باسری عبدالله خنجانی کۉرگزمه آچیلیشیده، وزیرلیکنینگ تینچلیکنی اۉرنهتیشگه یاندهشووی و مدني و بدیعي دستورلرنینگ ضرورلیگی حقیده نطق سۉزلهدی.
جناب خنجانینینگ تأکیدلشیچه، اوشبو کۉرگزمه اوروشنینگ یامانلیگی و ضررلرینی نمایش اېتیش، تینچلیک و خوفسیزلیکنینگ بختلی محیطنی عکس اېتتیریش، شونینگدېک، بیردملیک و فراوانلیکنی ترغیب قیلیش، افغانستان خلقی اوچون تینچلیکنینگ نه قدر مهملیگینی و اوروش اولرگه قنچه بها تۉلتگنینی کۉرسهتیشگه قرهتیلگن.
تینچلیک ایشلری بۉییچه دولت وزیرلیگینینگ کنفرانسلر، حادثهلر و دستورلر رئیسی عبدالعزیز حیدرینینگ تأکیدلشیچه، وزیرلیک اوشبو کۉرگزمهنی و شونگه اۉخشش باشقه دستورلرنی تشکیل اېتیش آرقهلی تنیچلیک ملاقاتلری و مملکتده زورهوانلیکنی تۉختهتیش اوچون همفکرلیک و کېلیشوو محیطینی یرهتیشگه حرکت قیلماقده.
تینچلیک ایشلری بۉییچه دولت وزیرلیگینینگ جماعتچیلیکنی خبردار قیلیش رئیسی سید ضیا دانش، تینچلیک یۉنهلیشیده مدني و بدیعي دستورلرنی اۉتکزیش مهملیگی حقیده سۉزلب، بدیعی اثرلر انسان ذهنیده چوقور تأثیر قالدیریشی و شونینگ اوچون وزیرلیک بو کبی دستورلرنی اۉتکزیش بیلن، تینچلیک قوریلیشیگه و تینچلیکنی مستحکملشگه کۉپراق اعتبار بېریشینی اَیتدی.
اَیتیب اۉتیش جایزکه، اوشبو کۉرگزمه کابل بیلیم یورتی قاشیدهگی افغانستان اخبار مرکزی (ACKU)، افغانستان دموکراسی و انسان حقوقلری مؤسسهسی، افغانستاننینگ بنیادی حقوقلرنی نظارت قیلیش مؤسسهسی و میدیاتیک بیلن همکارلیکده تشکیل اېتیلگن.
