په یوه ګډه ناسته کې د سولې پر بهیر او ملي اجماع پیاوړي کولو بحث وشو
په یوه ناسته کې چې د سولې په چارو کې د دولت وزیر او د افغانستان اسلامي جمهوریت د مذاکرهکوونکي پلاوي غړي محترم سید سعادت منصور نادري ګډون پکې کړی و، د سولې پر اړوندو موضوعاتو او ملي اجماع پیاوړي کولو بحث وشو.
د جمهوري ریاست د ملي امنیت شورا سلاکار محترم حمدالله محب، د ملي مصالحې عالي شورا مرستیال محترم ډاکتر عنایتالله بابر فرهمند او د ملي جنبش ګوند رئیس، د ولسي جرګې غړي او د افغانستان اسلامي جمهوریت د مذاکرهکوونکي پلاوي غړي محترم حاجي باتور دوستم هم په دې ناسته کې ګډون درلود.
په دې ناسته کې د سولې بهیر د پرمختګ د څرنګوالي په اړه د داخلي اجماع پر ساتنه او پیاوړتیا او د سولې بهیر د جوړښتونو پر رول ادا کولو ټینګار وشو.
