مطبوعاتي خبرپاڼه: د افغانستان د اسلامي جمهوريت د مذاکرهکوونکي پلاوي ټاکل کېدل
له ښکېلو داخلي اړخونو سره د دوامدارو او هر اړخیزو سلامشورو او د حکومت د جدي هڅو په پایله کې د سولې په خبرو اترو کې د افغانستان اسلامي جمهوریت ۱۵ کسیز مذاکره کوونکی پلاوی وټاکل شو. د افغانستان د اسلامي جمهوریت له امریکا متحدو ایالتونو سره د پروسې د راتلونکو پړاوونو په اړه هوکړه لري.
د دغه پلاوي په ټاکلو کې پوره هڅه شوې چې سیاسي، ټولنیز او قومي بېلابېل والی په پام کې ونیول شي.
دغه پلاوی د خبرو اترو د پیل او د افغانستان د اسلامي جمهوریت د نظام له ارزښتونو او لاستهراوړنو د دفاع لپاره پوره چمتووالی لري.
د افغانستان اسلامي جمهوریت د تلپاتې، عادلانه او باعزته سولې ټینګښت ته پوره ژمنتیا لري او په تېرو پنځو کلونو کې یې دغه ژمنه په عمل کې ښودلې ده.
د سولې په چارو کې د دولت وزارت د سیمې او سیمې هاخوا په کچه له دولت سره د دولت ستراتیژیکې اړیکې د هېواد په ټیکاو کې یو بنسټیز اصل بولي چې له دې منځه د افغانستان او امریکا متحدو ایالتونو ترمنځ ستراتيژیکې اړیکې پراخ اهمیت لري.
