له مشرانو جرګې سره د نظرونو د تبادلې او د سولې مذاکراتو د معلوماتو شریکولو لپاره لازم بستر برابریږي

a.zia
یکشنبه ۱۳۹۹/۷/۲۰ - ۵:۳۷
smp

د سولې په چارو کې د دولت وزارت سرپرست او د قومونو او بنسټونو چارو مرستیال عبدالخالق بالاکرزي او د دغه وزارت له ملي شورا سره د همغږۍ رئیس جمال ناصر اصولي د مشرانو جرګې له رئیس فضل‌هادي مسلمیار سره وکتل.

په دې لیدنه کې فضل‌هادي مسلمیار د سولې د بهیر او په ځانګړي ډول د سولې مذاکراتو پر اهمیت ټینګار وکړ او ویې ویل چې په دوحه کې د روان بهیر اطلاعاتو ته لاسرسی د سولې په بهیر کې د ټولنې د بېلابېلو پاړکو مشارکت ته لاره هواروي.

عبدالخالق بالاکرزي په دې لیدنه کې وویل چې د سولې بهیر د جوړښتونو، ادارو او د ټولنې د بېلابېلو پاړکو تر منځ اطلاعات شریکول او د نظرونو تبادله د سولې په چارو کې د دولت وزارت یو کاري لومړیتوب دی.

ده زیاته کړه چې د سولې په چارو کې د دولت وزارت په دې برخه کې اړین میکانیزمونه جوړ کړي او د پلي کېدو په حال کې دي.

د سولې په چارو کې د دولت وزارت سرپرست او د قومونو او بنسټونو چارو مرستیال وویل چې د افغانستان اسلامي جمهوریت د مذاکره‌کوونکي پلاوي د غړو مشورتي ناستې په آنلاین ډول پیل شوې دي او دوام به وکړي.

تازه خبرونه

یکشنبه ۱۳۹۹/۱۰/۲۸ - ۱۵:۲۸
Background image

نړیوالې ټولنې په هېواد کې د روان تاوتریخوالي د درېدو غوښتنه وکړه

د ملي مصالحې عالي شورا د سیمه‌ييزو او نړیوالو چارو کمیسیون، د سولې په چارو کې د دولت وزارت او بهرنیو چارو وزارت له لوري د افغانستان د سولې بهیر د ملاتړ لپاره د اجماع د پیاوړي کولو دویمه. . .

شنبه ۱۳۹۹/۱۰/۲۷ - ۱۶:۸
Background image

د سولې په چارو کې د دولت سرپرست وزیر د اروپا د سولې انستېتيوت له اجرایوي رئیس سره وکتل

د سولې په چارو کې د دولت وزارت سرپرست او د همغږۍ، پالیسۍ او ستراتيژۍ د چارو مرستیال عبدالله خنجاني د اروپا د سولې انستېتیوت له اجرایوي رئیس مایکل کیټنګ، د دغې ادارې له ستر سلاکار پاتریک. . .

چهارشنبه ۱۳۹۹/۱۰/۲۴ - ۱۲:۲
Background image

«اساسي قانون؛ د وګړو حقونه او پایېدونکې سوله» ناسته وشوه

د سولې په چارو کې د دولت وزارت د غونډو په تالار کې «اساسي قانون؛ د وګړو حقونه او پایېدونکې سوله» په سرلیک غونډه وشوه چې د جمهوري ریاست مرستیال قانونپوه استاد محمد سرور دانش؛ د ملي. . .

خبرونه