له استاد محمد محقق سره د سولې په چارو کې د دولت وزیر لیدنه
د سولې په چارو کې د دولت وزیر سید سعادت منصور نادري د افغانستان د خلکو د اسلامي وحدت ګوند له مشر او په امنیتي او سیاسي چارو کې د جمهور رئیس له ستر سلاکار استاد محمد محقق سره وکتل، په دې لیدنه کې د افغانستان د سولې د پروسې او په دوحه کې د روانو مذاکراتو په اړه بحث وشو.
د سولې په چارو کې د دولت وزیر په هېواد کې د پایدارې او با عزته سولې لپاره د ملي اجماع په پیاوړي کولو کې د جهادي مشرانو او سیاسي څېرو رول او نطرونه مهم وبلل او ویې ویل چې د افغانستان اسلامي جمهوریت د مذاکرهکوونکي پلاوي غړي به په خپلو تصمیمونو کې له دغو نظرونو ګټه واخلي.
