د کندهار، هرات، ننګرهار، غزني او کندز ولایتونو له بېلابېلو پاړکو سره د مذاکرهکوونکي پلاوي مشورتي ناسته
د سولې په چارو کې د دولت وزارت د قومونو او بنسټونو چارو د معینیت په کوربهتوب د کندهار، هرات، ننګرهار، غزني او کندز ولایتونو د خلکو له بېلابېلو پاړکو سره د مذاکرهکوونکي پلاوي مشورتي ناسته وشوه.
په دې ناسته کې د مذاکرهکوونکي پلاوي مشر محمد معصوم ستانکزي، د دغه پلاوي غړې شریفې زرمتۍ وردګ او د سولې په چارو کې د دولت وزارت د قومونو او بنسټونو چارو مرستیال عبدالخالق بالاکرزي ګډون کړی و.
د مذاکرهکوونکي پلاوي مشر او غړو د سولې مذاکراتو د لومړي دور په اړه خبرې وکړې او ګډونوالو ته یې ډاډ ورکړ چې له بېلابېلو پاړکو سره به د پلاوي مشورتي ناستې د مذاکراتو په دویم پړاو کې هم دوام ولري او دوی به په دوامدار ډول د خلکو نظرونه او وړاندیزونه ترلاسه کړي.
ګډونوالو د مذاکرهکوونکي پلاوي د کارکړنو مننه وکړه، خپلې غوښتنې او وړاندیزونه یې د دغه پلاوي له غړو سره شریک کړل.
د وروستیو دوو لسیزو لاستهراړونې ساتل، د تاوتریخوالي کمښت او اوربند، د خلکو د آزادیو او حقونو ملاتړ او د سولې په بهیر کې د ولایتونو د خلکو غوښتنو ته ډېره پاملرنه هغه موارد وو چې ګډونوالو مطرح کړل.
