د ښځو او بېلابېلو ډلو د مشارکت پالیسۍ د رهبرۍ کمېټې ناسته وشوه
د افغانستان اسلامي جمهوریت د مذاکرهکوونکي پلاوي غړو حبیبې سرابي او فوزیې کوفي په حضور کې د ښځو او بېلابېلو ډلو د مشارکت پالیسۍ د رهبرۍ کمېټې ناسته وشوه چې د ملي مصالحې عالي شورا مرستیالې زهرې مطهر احمدزۍ، د سولې په چارو کې د دولت وزارت د بشري حقونو او مدني ټولنې د بنسټونو چارو مرستیالې ډاکتر عالمې او د ملي مصالحې عالي شورا یو شمېر غړو پکې ګډون کړی و.
په دې ناسته کې د سولې په بهیر کې د زیانمنونکو پاړکو او لږکیو په ګډون د ښځو او بېلابېلو ډلو د مشارکت پالیسۍ پر طرحه بحث وشو.
د یادونې ده چې د دغې پالیسۍ تطبیق د مشورو او نظریاتو اخیستلو ته زمینه برابروي او همدا راز د سولې په بهیر کې د ښځو، زیانمنونکو پاړکو او لږکیو د لا ډېر مشارکت او د ښکېلو بنسټونو د رول اداینې ته لاره هواروي.
