د ولسي جرګې له لومړي مرستیال سره د سولې په چارو کې د دولت وزیر لیدنه
د سولې په چارو کې د دولت وزیر او د افغانستان اسلامي جمهوریت د مذاکرهکوونکي پلاوي غړي، سید سعادت منصور نادري د ملي شورا د ولسي جرګې له لومړي مرستیال احمد جاوېد جیحون سره وکتل.
په دغه لیدنه کې، احمد جاوېد جیحون د افغانستان د سولې په پروسه کې د ښځو د ونډې ډېرولو په اړه د ولسي جرګې د لومړي معاونیت د طرحې په اړه معلومات وړاندې کړل.
ښاغلي نادري د ولسي جرګې د لومړي معاونیت د طرحې هرکلی وکړ او زیاته یې کړه چې د سولې جوړښتونه په ځانګړې توګه د سولې په چارو کې د دولت وزارت به ټولې هغه طرحې چې د سولې بهیر د چټکتیا او بریالیتوب لامل کېږي وکاروي.
