د هرات اوسېدونکو په تاوده هرکلي سره د سولې او ملي انسجام له پروسې څخه د ولسي ملاتړ غونډه وکړه
په دغه غونډه کې چې د پنجشنبې په ورځ د ۱۳۹۸ کال د زمري میاشتې په ۱۷مه نېټه په مولانا تالار کې وشوه د یو پرېکړهلیک په صادرولو سره یې د جمهوري نظام، د سولې د مشورتي لویې جرګې د پرېکړو، د سولې په پروسه کې د افغانانو د مشروع استازي په توګه د افغان حکومت په ملاتړ ټینګار وکړ او له ښکېلو لورو یې د اوربند غوښتنه وکړه.
په دغه غونډه کې د هرات د خلکو استازي ښاغلي کبرزاني، د ولایتي شورا مرستیال توريالي طاهر، د هرات ولایت مرستیال غلام داوود هاشمي، لیکوال او سیاسي فعال علام یحیی حازم، د پوهنتون استادې مېرمن شهیدزاده، د متخصصانو شورا مشر محمد رفیق شهیر، د هرات ولایت د سوداګرۍ خونې رئیس سعد خطیبي، جهادي قوماندان غلام محمد مصون، په ولایتي شورا کې د خلکو استازي غلام حبیب هاشمي خبرې وکړې.
