د شهید فاطمه خلیل ښوونځي د پرانستې په مراسمو کې سولې په چارو کې د دولت وزير ګډون
د سولې په چارو کې د دولت وزیر سید سعادت منصور نادري او د افغانستان د اسلامي جمهوریت د مذاکره کونکي ټيم پلاوي غړي د شهید فاطمه خليل ښوونځي د پرانستې په مراسمو کې ګډون او وینا یې وکړه.
د سولې په چارو کې د دولت وزير د توانا ماشومانو د نوښت موسسې له لورې د يتیمو او معلوليت لرونکو ماشومانو لپاره د زده کړو چمتو کولو په خاطر له يادې موسسې څخه مننه وکړه او دغه ښوونځی پيل يې د شهيد فاطمه خليل هيلو او ارمانونو ته رسېدو له لپاره يو نیک ګام وباله.
ښاغلي نادري دا هم وویل چې د افغانستان دښمنانو په ښوونځیو او جوماتونو په وروستيو تروریستي بریدونو سره په ډاګه کړه، چې دوی افراطیت او تروریزم ته د ودې ورکولو په خاطر د خلکو او ديني عالمانو سره ښکاره دښمني لري.
د سولې په چارو کې د دولت وزير په دانش کوثر، موعود، سید الشهدا پر روزنيزو مرکزونو او د کابل په شکردرې کې په جومات وروستي تروریستي بریدونه وغندل او دغه بریدونه یې د افغانستان د پوهې د ودې او پرمختګ څخه د هېواد د دښمنانو ويره وبلله.
د یادونې وړ ده چې شهید فاطمه خلیل، د بشري حقونو خپلواک کمیسیون غړې تیرکال په د هغې پر موټر د مقناطیسي ماین د چاودنې له امله په شهادت ورسیده. د هغه په نوم نومول شوی ښوونځی د میرمن لیل محب او الهی عمر په مشرۍ د توانا ماشومانو نوښت موسسې لخوا رامینځته شوی او د سولې په چارو کې د دولت وزير به د دغه نهاد د مشاورینو د بورډ غړی وي.
