د سولې په چارو کې د دولت وزیر له محمد یونس قانوني سره وکتل
د سولې په چارو کې د دولت وزیر او د افغانستان اسلامي جمهوریت د مذاکرهکوونکي پلاوي غړي سید سعادت منصور نادري د جمهوري ریاست له پخواني لومړي مرستیال او د ملي شورا د ولسي جرګې له پخواني رئیس محمد یونس قانوني سره وکتل.
په دغه لیدنه کې چې له جهادي رهبرانو، سیاسي مخورو او د هېواد له بانفوذه څېرو سره د سولې بهیر لپاره د داخلي اجماع او د دوحې د مذاکراتو د پیاوړتیا لپاره د سولې په چارو کې د دولت وزیر د مشورتي ناستو پر دوام وشوه، دواړو لورو د روان وضعیت او په دوحه کې د روانو مذاکراتو د وروستیو جزئياتو په اړه خبرې اترې وکړې.
