د سولې په چارو کې د دولت وزیر د کاناډا له سفیر سره وکتل
د جمهور رئیس ځانګړي استازي او د سولې په چارو کې د دولت وزیر د کاناډا له سفیر ډېو مېټکلف (Dave Metcalfe)سره وکتل.
په دغه لیدنه کې دواړو لورو د دواړو هېوادونو د اړیکو د پراختیا، وروستیو پېښو او د سولې له پروسې څخه د کاناډا د ملاتړ په ګډون په بېلابېلو موضوعاتو خبرې وکړې. د کاناډا سفیر د افغانستان د سولې له پروسې څخه ملاتړ اعلان کړ او ټینګار یې وکړ چې دغه هېواد د بینالافغاني خبرو اترو ملاتړ کوي.
د سولې په چارو کې د دولت وزیر د دغه وزارت د هڅو او کړنو په اړه د کاناډ د ملاتړ مننه وکړه.
