د سولې په چارو کې د دولت وزیر د ولسي جرګې له دویم مرستیال سره وکتل
د جمهور رئیس ځانګړي استازي او د سولې په چارو کې د دولت وزیر عبدالسلام رحیمي د ولسي جرګې له دویم مرستیال احمدشاه رمضان او د ولسي جرګې له غړو عبدالظاهر سالنګي او علياکبر قاسمي سره وکتل.
په دې لیدنه کې د ولسي جرګې غړو د سولې په بهیر کې د حکومت د پرمختګونو، پروګرامونو او چمتووالو په اړه معلومات وغوښتل.
د سولې په چارو کې د دولت وزیر د سولې په چارو کې د دولت وزارت د جوړېدو لپاره د تأييد د رأیو ورکولو لپاره د ولس له استازو مننه وکړه او د روان وضعیت، د حکومت د چمووالو او د وزارت د فعالیتونو په اړه یې معلومات ورکړل.
همدارنګه ښاغلي رحیمي وویل چې حکومت د سولې د خبرو لپاره پر اوربند ټينګار کوي.
په دې لیدنه کې د خلکو استازو د افغانستان په مشرۍ د سولې د بهیر ملاتړ څرګند کړ.
