د سولې په چارو کې د دولت وزیر د ناټو د غړو هېوادونو له ځانګړو استازو سره د افغانستان اسلامي جمهوریت د مذاکرهکوونکي پلاوي په آنلاین ناسته کې ګډون وکړ
د سولې په چارو کې د دولت وزیر او د افغانستان اسلامي جمهوریت د مذاکرهکوونکي پلاوي غړي سید سعادت منصور نادري د ناټو د غړو هېوادونو له استازو سره د افغانستان اسلامي جمهوریت د مذاکرهکوونکي پلاوي په ګډه ناسته کې چې د اروپا د سولې انستېتیوت په مشارکت جوړه شوې وه، ګډون وکړ.
په دې ناسته کې د افغانستان اسلامي جمهوریت د مذاکرهکوونکي پلاوي رئیس محمد معصوم ستانکزي، نورو غړو عبدالسلام رحیمي، فوزیې کوفي، احمد نادر نادري، محمد ناطقي، عبدالمتین بېک او کلیمالله نقیبي ګډون کړی و او د افغانستان د سولې مذاکراتو بهیر پر اوسني وضعیت بحث پکې وشو.
ګډونوالو پر تاوتریخوالي درېدو، اوربند ته پر لار هوارولو، له افغانستانه د بهرنیو ځواکونو پر مسؤولانه وتلو او د دوحې هوکړهلیک پر بیاکتنه بحث وکړ.
د ناټو د غړو هېوادونو ځانګړو استازو د سولې په چارو کې د دولت وزارت د دفتر د رئیس پر موټر نننی برید وغانده او ویې ویل چې روان تاوتریخوالی او په تېره د مدني ټولنې پر غړو، ښځو، رسنیو او ملکي وګړو بریدونه د منلو نه دي.
په همدې حال کې د افغانستان اسلامي جمهوریت د مذاکرهکوونکي پلاوي غړو د مذاکراتو لپاره پر برابره فضا د تاوتریخوالي اغېز ته اشاره وکړه او ویې ویل چې د ټولنې د بېلابېلو پاړکو او مدني ټولنې غږونه د سولې بهیر د مخته تګ لپاره ګټور دي او باید وساتل شي.
دوی غوښتنه وکړه چې د مذاکراتو بهیر د ملاتړ او د تاوتریخوالي درېدو لپاره باید ګډې نړیوالې هڅې دوام وکړي او ویې ویل، د لیدلورو انسجام به د بهیر د پرمختګ لامل شي او باید د روانې جګړې د نامشروعوالي په اړه د اسلامي نړۍ پیغامونو ته پام وشي.
