د سولې په چارو کې د دولت وزیر د فنلنډ د بهرنیو چارو له وزیر سره وکتل

a.zia
سه‌شنبه ۱۳۹۹/۸/۶ - ۱۴:۳۷
SMP

د سولې په چارو کې د دولت وزیر سید سعادت منصور نادري او د ملي مصالحې عالي شورا د رئیس ډاکتر عبدالله عبدالله ستر سلاکار مصطفی مستور د فنلنډ د بهرنیو چارو له وزیر پکا اولاوي هاویسټو سره وکتل او د جنیوا کنفرانس پر چمتووالي یې خبرې وکړې.
د فنلنډ د بهرنیو چارو وزیر د افغانستان د ملاتړ دوام او په دغه هېواد کې ډیموکراسۍ ته د نړیوالې ټولنې د لېوالتیا یادونه وکړه او ویې ویل چې له افغانستان سره د مرستو په پایله کې باید ولسواک بنسټونه او ارزښتونه تضمین شي.
د سولې په چارو کې د دولت وزیر په داسې شرایطو کې - چې نړۍ له کرونا وبا او د هغې له محدودیتونو سره مخ ده - د جنیوا کنفرانس د جوړېدو لپاره د فنلنډ د هڅو مننه وکړه.
سید سعادت منصور نادري په دوحه کې د افغانستان د سولې مذاکراتو د روان وضعیت او مخ پر وړاندې لارې په اړه خبرې وکړې.
همدارنګه ده وویل چې د نړیوالې ټولنې د ژمنو دوام د واقعي پیغامونو یوه مهمه برخه ده چې د افغانستان خلکو ته ورکول کېږي.
په دې لیدنه کې سید سعادت منصور نادري او مصطفی مستور د جنیوا کنفرانس د جوړېدو لپاره هر ډول همکارۍ ته خپل چمتووالی وښود.
 

تازه خبرونه

چهارشنبه ۱۴۰۰/۶/۱۷ - ۷:۹
Background image

د افغانستان ګڼو قومي مشرانو، پوهنتون استادانو او صنعت کارانو په يوه لويه غونډه کې د ا.ا.ا خپل بشپړ ملاتړ او بيعت اعلان کړ.

دغه غونډه د قرانکريم په مبارکو اياتونو پيل شوه، ورپسې د سولې او امن کاروان د عامه نظم مسؤل او جهادي شخصيت قومندان ارسلا خان خروټي ټولو راغلو ميلمنو ته د ښه راغلاست ترڅنګ د ا.ا.ا په. . .

یکشنبه ۱۴۰۰/۶/۱۴ - ۷:۰
Background image

د هېواد تجارانو، د بېلابېلو ولايتونو قومي مشرانو او ځوانانو د افغانستان اسلامي امارت څخه خپل ملاتړ اعلان کړ!


د افغانستان اسلام امارت د امن کاروان مشر او جهادي شخصيت الحاج خليل الرحمن حقاني, د امن کاروان د عامه نظم مسؤل قومندان حاجي ارسلاخان خروټي، جهادي او علمي شخصيتونو قاري محمود شاه, مفتي. . .

یکشنبه ۱۴۰۰/۶/۱۴ - ۶:۵۴
Background image

د امن کاروان مشر د اسلامي حزب او اسلامي جمعيت له قومندانانو سره وکتل!

 

د ا.ا.ا د امن کاروان مشر او جهادي شخصيت الحاج خليل الرحمن حقاني او ددی کاروان رهبرۍ شورا غړو د اسلامي حزب او اسلامي جمعيت له قومندانانو سره وکتل.
په دغه کتنه کې د هېواد په سترې. . .

خبرونه