د سولې په چارو کې د دولت وزیر د سعودي عربستان د سفارت له شارژدافیر او سرپرست سره وکتل

د سولې په چارو کې د دولت وزیر سید سعادت منصور نادري د سعودي عربستان د سفارت له شارژدافیر او سرپرست بدر العتیبي سره وکتل.
دواړو لورو د افغانستان د سولې مذاکراتو د بدلونونو او په دغه بهیر کې د اسلامي هېوادونو په تېره د سعودي عربستان د ګټور رول په اړه خبرې وکړې.
په دې لیدنه کې د سولې په چارو کې د دولت وزیر د هېواد له روانې جګړې څخه د دیني مشروعیت په لرې کولو کې د سعودي عربستان رول مهم وباله.
د سعودي عربستان د سفارت شارژدافیر وویل، هیله‌من دی چې د افغانستان د سولې بهیر په سیمه کې د ټیکاو او امنیت د ټینګښت لامل شي.