د سولې په چارو کې د دولت وزیر د اوزبیکستان له سفیر سره وکتل
د جمهور رئیس ځانګړي استازي او د سولې په چارو کې د دولت وزیر عبدالسلام رحیمي په کابل کې د اوزبیکستان له سفیر یادګارخواجه شادمانوف سره وکتل.
د سولې په چارو کې د دولت وزیر په دې لیدنه کې د افغانستان د سولې بهیر د نړیوالې ملاتړې ډلې او همدارنګه د افغانستان د سولې په بهیر کې د نړیوالې ټولنې د همغږۍ او همکاریو په اړه خبرې وکړې.
ښاغلي رحیمي وویل چې اوزبیکستان له افغانستان سره رغنده اقتصادي او سیمهييزې اړیکې لري. همدارنګه ده د سولې د هڅو په برخه کې د دغه هېواد د ملاتړ مننه وکړه.
د اوزبیکستان سفیر هم د افغانستان د سولې د بهیر لپاره د ملاتړې ډلې د جوړېدو طرحه وستایله او ټینګار یې وکړ چې اوزبیکستان د افغانستان د سولې د بهیر ملاتړ کوي.
