د سولې په چارو کې د دولت وزیر د اندونیزیا له سفیر او ورسره پلاوي سره وکتل
د جمهور رئیس ځانګړي استازي او د سولې په چارو کې د دولت وزیر عبدالسلام رحیمي په کابل کې د اندونیزیا له سفیر عارف رحمان سره وکتل او د سولې په برخه کې یې د افغانستان له خلکو سره د دغه هېواد د همکاریو په اړه خبرې وکړې.
په دې لیدنه کې په افغانستان کې د سولې د ټينګښت لپاره د اسلامي نړۍ د علماوو او ښځو پر رول ټینګار وشو.
عبدالسلام رحیمي په تېر کې د افغانستان د علماوو هڅو په ځانګړي ډول د متفقې فتوا صادرولو ته اشاره وکړه او ویې ویل چې د افغانستان اوسنۍ جګړه مشروعیت او دیني ماهیت نهلري، د اوربند د کېدو او د مسلمانانو د وژل کېدو د مخنیوي لپاره د علماوو رول حیاتي ارزښت لري.
همدارنګه ده زیاته کړه چې د افغانستان اسلامي جمهوریت د سولې په بهیر کې د ښځو پر ګډون ټینګار کوي او له بېلابېلو لارو په دې برخه کې عمل کوي.
په دې لیدنه کې د اندونیزیا سفیر وویل چې هېواد به یې د سولې بهیر د اسانۍ لپاره د علماوو د مرستې په برخه کې همکاریو ته دوام ورکړي.
