د سولې په چارو کې د دولت وزیر د افغانستان لپاره د ملګرو ملتونو له ځانګړي استازي سره وکتل
د جمهور رئیس ځانګړي استازي او د سولې په چارو کې د دولت وزیر عبدالسلام رحیمي او د افغانستان لپاره د ملګرو ملتونو ځانګړي استازي تدامیچي یاماموتو له خپل مل پلاوي سره د ۱۳۹۸ کال د زمري میاشتې په ۲۳مه له غرمې وروسته سره وکتل او د روانو چارو او سولې پروسې د عملي ګامونو په اړه یې خبرې وکړې.
په دغه ناسته کې د وروستیو پرمختګونو او د سولې په پروسه کې د لویو کړنو د اغېزناک پرمخ بېولو لپاره د سولې په چارو کې د دولت وزارت په وړتیا جوړونې او عملي چمتووالو بحث او خبرې وشوې.
ښاغلي یاماموتو د ملګرو ملتونو په استازیتوب د سولې په چارو کې د دولت له وزارت څخه خپل بشپړ ملاتړ څرګند کړ.
