د سولې په چارو کې د دولت وزیر او بریتانیا د سفیرې لیدنه
د جمهور رئیس ځانګړي استازي او د سولې په چارو کې د دولت وزیر د بریتانیا له سفیرې الیسون بلېک سره په خپل کاري دفتر کې وکتل.
په دغه لیدنه کې مېرمن بلېک د جمهور رئیس ځانګړي استازي او د سولې په چارو کې د دولت وزیر ته وویل: نړیواله ټولنه تاسو او د سولې هڅو ته سترګې په لاره ده.
نوموړې د دولت او طالبانو ترمنځ مخامخ خبرې اترې مهمې وبللې او د افغانستان د سولې له هڅو یې خپل ملاتړ څرګند کړ.
عبدالسلام رحیمي د افغانستان د سولې له هڅو د نړیوالې ټولنې په ځانګړې توګه بریتانیا ملاتړ مهم وباله او د دوام غوښتنه یې وکړه.
