د سولې په چارو کې د دولت وزير د چين له سفير سره وکتل
د سولې په چارو کې د دولت وزیر سید سعادت منصور نادري په کابل کې د چین جمهوريت له سفیر وانګ یو سره وکتل.
په دغه کتنه کې، په دوحې کې د سولې خبرو په راتلونکي، د سولې په پروسې او په هېواد کې د روان تاوتریخوالي د پای ته رسېدو په برخه کې د سيمه ائيزې او نړيوالې اجماع د رامنځته کولو پر څرنګوالي او په افغانستان کې د یوې تلپاتې او عادلانه سولې ته د رسېدو په اړه بحث او خبر اترې وشوې.
د سولې په چارو کې د دولت وزير اوربند او په هیواد کې د روان تاوتریخوالي پای د سولې هوکړې ته رسیدو لپاره مهم وبلل او زیاته یې کړه، چې په دې برخه د نړیوالې ټولنې او ګاونډیو هیوادونو او په خاص ډول د چین هېواد همکاري ځانګړی مؤثريت لري.
